MIKHA 1:11 - ALLAH NIHYET MEM TUNGWATU NYA

¹¹ Je di timiei minu mien Safir e, ma jiba jingat ngu kin jimmai sut jenti bimbut bihigom ug ei jingkiaisi. Timiei minu mien Zaanan ibrim ingkek mem gima yehei leu ide minu bi. Tirigi jimiap tut timiei minu mien Bet-Haezel di ipim kui jei sut nimai ne mijo nibreisi mem je bipia bit bon jigwam coi minu dima hanyen bu kan bi.

MIKHA 1:11 ပူးပေါင်းရင်းမြစ်များ

YESAYA 16:2

Igwam bimem kep ser ei Minyei Arnon nipimat ba, iba ingon di tai-tai bou biya-ya nyen ba, idem kep ha di yuhuk leu naham pimo.

YESAYA 20:4

Nibou ndig Asyur mikat timiei minu cin dima nok yo di isima di ingat ngu bikri yok ug ei ingkiaisi. Ndigpoi nya kin pilei nya yahagom miba ingat ngu bimbut ba, ijuk sinsun kin srop ser ingkek dip kin imig jou bi. Ba, ijou hangwang bijo hak apino ibiyai nimmai biyok.

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YEREMIA 48:6

Ipai biyam “Jinang haninyai o! Jinang bijingwes ngun ug o! Jinang sindem dem kep nok keledai nehek nidorti ei iggum ndigsi o!”

YEREMIA 48:9

Atas tig nibitto nimai jui mem minu Moab lewo jei bi ne minu dima timek krebou hak ug ri. Timiei Moab nya cem yahagom itti bingwig lene tungwa hi di bong ei sirima bi.”

YEHEZKIEL 16:37

Gima rino midinduk pinai di abou buwei kep yok nya kin ade di angon kinei sut yok nya cem yahagom keyam. Ba, yahagom igya ttai na leu api mijuk sinsun ade nya hagom leu na bitou kep ajo risti.

YEHEZKIEL 23:29

Yoni mipos mun di acom amuhup tut nya hagom leu na drek dip ingon di kinei sut na. Agwam tut ajou hangwangti hak nok sop krar ba, yahagom isum igyai ei nati bingat na. Ade nikrar kepti kin ade nicut tut yamti ribindei dino,

MIKHA 1:8

Gima rino mun dima yok bindei ba, da di Mikha dingon buhun bibor bidingon ngguk bibor cem. Midikwek srop leu dimig jou bidikui mai he leu api diya-ya nyen nok mun di bindo bipia dingon buhun bibor. Midiyau-yau nyen noyam kin nsien bigbehei ba, dihyet noyam kin ha unta niyausi.

NAHUM 3:5

tuhan Di Sindem Bibor pai “Minu Niniwe e, midihwen bit na! Dikau sre ade leu na ei ngkiai nya igyai him leu api ingat ammai joti.

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

YOSUA 15:37

Bitut minu ndig simnaimuhwidip brimigtehigom kin minu mien di jo ttai nya dini jug cem. Minu ndig dini yok inyeng rino Zenan kin Hadasa kin Migdal-Gad kin Dilean kin Mizpa kin Yokteel kin Lakhis kin Bozkat kin Eglon kin Khabon kin Lahmas kin Khitlis kin Gederot kin Bet-Dagon kin Naama kin Makeda hagom.