MAZMUR 99:3 - ALLAH NIHYET MEM TUNGWATU NYA

³ Nna ba, ikon ninyeng di jei di dia-diau kei cem. tuhan kwes-kwau!

MAZMUR 99:3 ပူးပေါင်းရင်းမြစ်များ

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 100:4

Ma jipai sigyo nindig bibor tirigi jicoi kak dimbou pmem ug ei Nide Ig. Jinggei sut Noni mpe dino jicoi ug ei Nide Ig Him. Jipai sigyo nindig bibor bijinggei sut Noni!

MAZMUR 103:1

Doia Daud. Dinnei e, ma anggei sut tuhan! Danti njem-nnei e, ma jinggei sut ninyeng di kwes-kwau.

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 76:1

Doia Asaf mem no di bie tut doia nimpung ba, ipai doia dini bibibit nggong mbrei nibimbiti.

MAZMUR 76:12

Jiyai bipek kep mun di jipreu ei mem Allah bak Noni. Ma mben ngkiai di ibong ttai je nya yahagom ittei ide munkwas kwei mem Allah di tungwatu nya ittin tut a.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YEREMIA 20:11

Noro Na di tuhan asindem bibor ba, atti kin da tu. Yo di ihwen bit da micut lewo isindem bi. Leu api immai sut yonti kikau lewo ingon kanti dima cut igkep da bi. Yo di hiter mingon prion ser ide nimmai sut yontiti bi sren.

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

NINDAT KEP TUHAN NICUKTI NYA 28:58

Gino jiba jingon di gom bibit jide tuhan Allah ningginau jeti nya di jo ei srat diniti ba, jinggei sut jide tuhan Allah di ninyeng jei bibor bijinga leu tut Nide nisindem biborti cem bi,

NINDAT KEP TUHAN NICUKTI NYA 7:21

Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.