MAZMUR 98:4 - ALLAH NIHYET MEM TUNGWATU NYA

⁴ Tungwatu dihyeisi dini hagom e, ma jimbos-hi-mbos mem tuhan bijiba ningon di nggei-hi-nggei bipai doia bijibikon ninyenga.

MAZMUR 98:4 ပူးပေါင်းရင်းမြစ်များ

MAZMUR 100:1

Doia mem midut nibipai sigyo bak tuhanti. Je di tungwatu dihyeisi dini hagom e, ma jipai kep doia bak tuhan!

MAZMUR 66:1

Doia mem no di bie tut doia nimpung. Je di tungwatu dihyeisi dini hagom e, ma jiba nimbos-hi-mbosti binggei sut Allah!

MAZMUR 66:4

Tungwatu dihyeisi dini hagom iba ibiau bicom mpia bikuk yok biNani. Ipai doia bibikon anyeng.”

MAZMUR 67:4

Dijoi sut gima tungwatu dihyeisi dini inggei sut Na di Allah ba, yahagom inggei sut Na.

MAZMUR 71:22

Allah e, midiba nggong bikon anyeng lewo angon gom kikau. Israel de Allah di kwes-kwau e, midiba nggong mbrei bikon anyenga.

MAZMUR 95:1

Jikwei ba, inggei sut tuhan. Iba ingon di llei bibor bipai doia bak Noni lewo Noni sindem bibor biya srak ko hagau nye!

MAZMUR 95:2

Jikwei ba, yahagom igya ei Noho bei bipai sigyo biNoni ba, iba doia di llei bibor binggei sut Noni.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 42:11

Ma iggum ndigsi kin minu mien nya di iwin ei sirima inggei sut tuhan! Je di timiei Kedar e, ma jahagom jinggei sut Noni! Ma timiei Sela nya ikui ug ei mbigdip nya leu api iba ighyet ndig bibor bimbos-hi-mbos!

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

ZEFANYA 3:14

Je di mben Israel e, ma jimbos-hi-mbos! Ma jipai doia! Timiei minu ndig Yerusalem e, ma jiba jingon titut yam biyai ningon nggei-hi-nggeisi!

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

NINGAT-HI-NGAT NYA 19:1

Gima ngwig leu lene dimiap mun di nok tungwatu nya ningot ndig ighyet di kui yam ei gwamti bipai “Jikwei ba, inggei sut Allah! Noni teu tungwatu nya leu sisar biyai niyaijo nijep biyok ba, ninyeng jei bibor ba, Noni sindem bibor cem!

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!