MAZMUR 98:2 - ALLAH NIHYET MEM TUNGWATU NYA

² tuhan tri tut bipia Noni bindei timek siceu dima bibindo tut Nide niteu nye bingwes ngunti bak ngkiai nya.

MAZMUR 98:2 ပူးပေါင်းရင်းမြစ်များ

MAZMUR 22:31

Tungwatu dihyeisi dini ide nintun him yamti di bram yam nya mikuk yok bak tuhan. Yoni mitri tut Noni bak yo di intun him yok nya sindam.

MAZMUR 24:5

tuhan di teu tungwatu nya leu sisar biyai niyaijo nijep biyok minjei mun di kei bak yo dima ba, Noni miba ningon bisrip huk yok bipia ingon ngun.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 52:7

Yo di ingat no di ttau kep yok ei nungug him igyai nillei nindig bibor lewo no dima kwei sut nihyet di kei kin nihyet tut ningon kwes kin yamti kin nihyet tut niteu ningwes ngunti bak Sion bipai “Jide Allah ne Nibou Ndig ri!”

YESAYA 62:2

Minu ndig Yerusalem e, ngkiai nya yahagom mingat bou igyai him bipia abindei timek ade siceu nya yahagom. Nibou ndig nya yahagom mitou kep anyeng jeisi. Anyeng nijep miluei nitimiei hanyen bu ba, tuhan Nonti rino yai ninyeng nijep dima bina ba.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

MARKUS 16:15

Lene Noni cuk yok “Ma jimbut bijuug ei dihyei nisurti-nipekti ba, jitri tut Allah Nihyet Di Kei bak tungwatu nya yahagom.

LUKAS 3:6

Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.