MAZMUR 97:10 - ALLAH NIHYET MEM TUNGWATU NYA

¹⁰ Je di jingon ngakei tuhan e, suar jingon mpo tut mun di kinei nya! Lewo tuhan cuon Nide limwa nya igyaisi bikwek yok leu yo di itunggwei tuhan nihyet inda nsi.

MAZMUR 97:10 ပူးပေါင်းရင်းမြစ်များ

MAZMUR 101:3

Midiba diyai ngat mun di kinei bi sren. Dingon mpo tut yo di ingkwei kep inghim dip hanyen ide nibon munti nya. Dikou sut gima ide mun di kinei rap dani cem a.

MAZMUR 119:104

Ade niggai serti nya bindei bidingon ki. Gima rino dingon mpo tut nibon mun hacicanti.

MAZMUR 119:163

Dingon sibui sut niris mun cig nya yahagom noro dingon ngakei Ade nikos tutti nya.

MAZMUR 121:7

tuhan miya ser na leu binhyema mun di buhun bibor cut igkep na bi. Noni miteu na ba, angwes ngun apino ayaijo a.

MAZMUR 125:3

Yo di isibut nya inyeng mitak kep yo di ingon sren ide dihyei ninda romti kikau bi. Leu gi nok ne yo di ingon sren nya igyai bram yo di isibut nya igyaisi bibon mun di kinei.

MAZMUR 145:20

Noni miya srak ko hagau yo di ingon ngakei Noni yahagom. Noro bindei timek yo di isibut nya.

MAZMUR 31:23

Dingon tai-tai bousi bindei bidikan bigya tuhan com da leu Noho bei tu. Noro Noni miap dihyet mpe dino dahara bak.

MAZMUR 34:14

ma noni pijuk nidwep ser nhyema pai tungwatu nya kinei biris mun au.

MAZMUR 36:4

Nihyet di simbot kep nya kinei bibor bimpung tut niris munti cem. Leu ba, nibon mun di keisi nya gibon ninyeng mem noni bi.

MAZMUR 91:14

tuhan simbot dat “Miditeu yo di ingon ngakei Da bingwes ngun. Dinyohou yo di indo tut ingonti bipia dinyeng tak kep yok.

NIPINGOK NINGONTI 2:8

Noni ya ser yo di iba ingon di gom bibon hiter biya srak ko hagau yo di ingon gom tut Noni cem.

NIPINGOK NINGONTI 3:7

Ma aba angon bisrip huk bipia angon ki dor njiriek mun di igbit mem na au. Abit tuhan nihyet ba, ambres nanti leu mun di kinei hagom.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YEREMIA 15:21

Midikwek na leu yo di imbuk bibor nya di ihwen bit na ide nisindemti. Da di tuhan disimbot dat tu.”

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

DANIEL 6:22

Mbigom lene Daniel buhup “Ma na di Andigpoi ayaijo ninno!

DANIEL 6:27

Dicuk tungwatu nya di ibong bidem dinyeng tak kepti nisurti-nipekti hagom leu binhyepo ittin tut Allah di Daniel kuk no bak ba, ikuk yok bak! Noni ne Allah di niyaijo bijo ninno bijo kikau ri. Nide ninyeng tak kepti jo kikau ug bipek kin njap ningwig honti. Bit bon hi bindei ba, Allah ninyeng tak kepti pror yon kan bi. Nide nisindemti cem ug hon nohonti bi sren.

AMOS 5:14

Ma jita jibou ei jiyai munti di kei bibor keiti lene ma jibon mun di mbuk au. Apino mijiyai niyaijo. Leu api tuhan Di Sindem Bibor ningat rin bit je nijit bit leu nok jipai ei juhui him tut Noni.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 7:15

Dingon kiowi tut diyai kepti nya. Dipi bidiyai kep mun di igbit noro bit bon diyai gima yok kan bi leu api diyai kep mun di dingon mpo tut nya.

ROMA 7:24

Aye! Notou mem da i? Dingon kinei bibor! Tou riteu da bidingwes ngun leu dingut di bindei bidimai dini i?

KORINTUS GI NIGOM 8:3

Noro Allah kan bidem tut no di ningon ngakei Noni jit-jit.

TESALONIKA GI NICAN 3:2

Ma jingat nadi leu binhyepo Allah miteu nye leu yo di isibut bibor indati biningwes ngun. Lewo imang bibor ingon jo kep Tuhan nihyet bi.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

YOHANES GI NIGOM 4:19

Ingon ngakei yam lewo Allah ningon ngakei nye bibie.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.