MAZMUR 97:1 - ALLAH NIHYET MEM TUNGWATU NYA

¹ tuhan ne Nibou Ndig ri! Ma dihyeisi ningon nggei-hi-nggei ba, mios nya cem igyai nillei.

MAZMUR 97:1 ပူးပေါင်းရင်းမြစ်များ

NITRITI 10:5

Yo dini inok pung dino yo di ibong mukti kin mios nya yahagom intun him. Ba, yahagom intun Yafet him leu api ikwas yam bit leu ide keret nya kin ide minu nya cem lewo bikwop keret dini ighyet ter leu yam.

MAZMUR 2:11

Suar jibit tuhan nicuk jeti nya hagom ba, jibou cut bak Noni cem.

MAZMUR 93:1

tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 41:5

Timiei minu ting nya ingat diyai munti nya bou igyai him bittin tut ba, inghuisi mpig sut. Leu api yahagom idem yam ei ba, ittei yam kwei.

YESAYA 42:4

Nibou buwei ba, ningon micut leu bi bibou ningon sren-srausi kieng kep dihyeisi dini hagom ba, yo di minu ting nya igyok ingon mem ningginau yokti nya.”

YESAYA 49:1

Je di timiei minu ting nya e, ma jingig jitingou mem ba, jiyok ngon kep dihyet. tuhan dimig da ei nipou tirigi dipmem srek tut da bigyo leu api hig da nok Nide awak.

YESAYA 49:13

Mpia-bbed him e, ma apai doia! Dihyeisi e, ma ayai nillei! Mbigdip nya e, ma jimbos-hi-mbos! tuhan migwam ser Nide limwa nya ingon ba, Noni ngondut Nide awak di igyai ninghuisi wei nya.

YESAYA 51:5

Niteu ningwes ngunti di diyai biyok dideu kwei su. Ditde njap nibindei timek siceu nyati mbigom mitau. Dinyeng mitak kep ngkiai nya yahagom. Minu di ting nya ibet ingon mem Da ba, igyok ingon mem Da kin Ditde nibon munti di bibon ninggap leusi.

YESAYA 60:9

Kibar minyei dima kwei leu minu ting bimpung tut Allah de limwa nya di induk yam kwei ei itimieisi hanyen. Yoni ipwoi perak kin mas kwei ba, mibinggei sut tuhan di nok mben Israel ide Allah Di Kwes-Kwau di bindei ba, ngkiai nya ikon Nide limwa nya inyenga.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

MATIUS 3:3

Nabi Yesaya tri tut Yohanes dini nipou su bipai, “Tungwagom nihyet tibim kwei leu iggum ndigsi bipai ‘Ma jitin puig di sren kei mem Tuhan nimbutti lene ma jiji kep ninjuisi sur yam kei.’ ”

MATIUS 6:10

Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

MARKUS 11:10

Allah e, ayai gi kei bak icig Daud ninyeng tak kepti di mikwei yo o! Jikwei ba, inggei sut Allah o!”

KOLOSE 1:13

Allah teu nye leu nidinditi de nisindemti bibuwak nye bingwes ngun ug ei Nipmot di Allah ningon kieti Ninyeng Tak Kepti tu.

NINGAT-HI-NGAT NYA 11:17

ipai “Allah Di Sindem Bibor di ningat rin ammani kin annani e, nipai sigyo biNa lewo sindi anyeng tak kep mun nyeng hagom tug hon Ade nisindemti di nindig bibor.