MAZMUR 96:9 - ALLAH NIHYET MEM TUNGWATU NYA

⁹ Ma jijuk sinsun midut ba, jibikuk je biNoni. Je di jidigek kep dihyeisi dini hagom e, ma jinghuisi mpig sut Noni tirigi jikwei ya ei Noho bei!

MAZMUR 96:9 ပူးပေါင်းရင်းမြစ်များ

NIBOHON MBEN ISRAEL GI NICAN 29:28

Nibou Ndig Hizkia ya tut limwa nya di ingat rin ei sirima bikuk yok biba ibiau bicom mpia ba, iba ingwak bikik dihyei bikuk yok bak tuhan. Yo di ipai doia yuhui jo kep doia bipai kikau. Lene yo di ikek kep musik di ibipai doia nya inda jo kep musik bikek kikau bibou hum yem mindhe-ndhe di ibui bindig ei nimbar hum dokti hagom bingwig ug e.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

EZRA 7:27

Lene Ezra pai “Jikwei ba, inggei sut tuhan di nok idigup bat-idigai bat nya ide Allah! Lewo Noni bindei ba, nibou ndig dima yok ngon kep tuhan De Ig ei minu ndig Yerusalem binyohou nok gi kei.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MAZMUR 114:7

Dihyeisi dini e, adigit ei tuhan Noho bei, ei Yakub de Allah Noho bei,

MAZMUR 29:2

Ma jinggei sut tuhan di dia-diau! Ma jijuk sinsun midut di kwes-kwau leu api jibikuk je bak.

MAZMUR 33:8

Je di tungwatu dihyeisi dini hagom e, suar jikuk je bak tuhan. Je di jikieng kep dihyei nisurti-nipekti hagom e, suar jikon ninyenga.

MAZMUR 76:11

Ade siceu nya di imbuk bibor di ingwes ngun leu agga biborti nya minggei sut Nani lo, nigga kep mun cig nya iba sinsun kron bijuk yok drek dip ingon nggukti.

MAZMUR 76:7

Yakub de Allah e, akon ahyet kep yok apino kuda nya kin tentara di igwam dip nya yahagom icut di imai ug a!

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”