MAZMUR 96:8 - ALLAH NIHYET MEM TUNGWATU NYA

⁸ Ma jinggei sut ninyeng di jei bibor. Jicoi kwei ei Nide Ig bijipwoi mun di jikwas tut Noni.

MAZMUR 96:8 ပူးပေါင်းရင်းမြစ်များ

MAZMUR 100:4

Ma jipai sigyo nindig bibor tirigi jicoi kak dimbou pmem ug ei Nide Ig. Jinggei sut Noni mpe dino jicoi ug ei Nide Ig Him. Jipai sigyo nindig bibor bijinggei sut Noni!

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 116:19

tirigi idem yam ei mpia di jo bas hak di iba ngug tig bikrop ttai ei Nide Ig ei minu ndig Yerusalem ninggimau yon. Jikwei ba, inggei sut tuhan!

MAZMUR 29:2

Ma jinggei sut tuhan di dia-diau! Ma jijuk sinsun midut di kwes-kwau leu api jibikuk je bak.

MAZMUR 45:12

Anok misop ubbu ngat di mingot nibou ndig ningon kin na. Noni ne ade andigpoi rin ba, akuk na binoni.

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

YEHEZKIEL 46:3

Suar limwa nya yahagom ikuk yok biba ibiau bicom mpia lene iba ingwak bikik mpia bikuk yok bak tuhan ei dimbou pmem nuhui dima bikwop Njap Nigwam Kep Ninghuisi kin Njap Ndig Bed Jep.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

IBRANI 13:13

Ma jikwei ba, yuug ya kin Noni ei minu ndig nisai ma kwei bitug ndei nipai nye kineisi bit Noni.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”