MAZMUR 95:8 - ALLAH NIHYET MEM TUNGWATU NYA

⁸ “Ma jingkek ndok dem kep nok jidigup bat-jidigai bat nya di yuug ei Meriba bingat rin ei iggum ndigsi Masa au.

MAZMUR 95:8 ပူးပေါင်းရင်းမြစ်များ

NEHEI LEUSI 17:7

Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.

MBEN ISRAEL IMBUT-MBUT NYEN 20:13

Mun dima cut igkep yok ei minyei bousi Meriba. Lewo mben Israel inso-nso nyen bak tuhan ba, Noni ndo Nide nisindemti di kwes-kwau brei biyok ei sirima.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 14:11

Lene tuhan hig ser Musa “Yo dini misrep tut Da kikau apig bu i? Mbro nok gino dindo bindo kin mun di mindur mang bibor ei ikieti tu lo, iba ingon com Da bi kikau apig bu i?

SAMUEL GI NIGOM 6:6

Nggon rino jingkek ndok nok gi po nibou ndig mben Mesir kin nide limwa nya ingkek ndok pima i? Ma jiyok ngon kep bipia Noni ba mben Mesir bikek kikau bibou ikes yok bingwes ngun leu minu Mesir ug e.

NINDAT KEP TUHAN NICUKTI NYA 6:16

Ma jibingon tuhan di nok jide Allah hanyen nok gi nipou po jibingon Noni ei Masa pima au.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

YUDAS 1:5

Mbro nok gino jikan tut gini hagom tu lo, dimiep hum kin jingonti tut Tuhan di teu mben Israel bingwes ngun leu minu Mesir. Noro ei niabiati bu ne Noni hwen gi hi di ingon jo kep bi nya di isrig ikieti.

IBRANI 3:13

Noro ma jipingok yam ngonti bikwop mmun-njap kikau tirigi jiyaijo mem nijam di Allah nihyet pai “Njap di Ammani” leu binhyepo sisar ris je bijingkek ndok au.

KISAH 19:9

Noro yo dima ibou poi ingon jo kep bi lewo ingon tindak. Ipai bipia Paulus ningginau yokti tut Allah ningon kanti di teu tungwatu biyai niyaijo nijep biyok tug hon Yesus dima kinei. Gima rino Paulus kes yok ei bibuwak yo di ingon jo kep nya kwei ei ig di bon ninsi nindig bibor gom di Tiranus pikor tungwatu nya eisi. Ba, Paulus kin tungwatu nya iba ighyet bidahat yam ei sirima bikwop njap-njap.

NEHEI LEUSI 17:2

Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

DANIEL 5:20

Noro ningon di jei bibor kin ningon di tindak kin ningon di mbuk dima bindei ba, Allah om noni leu nide banggo mbrei leu api ninyeng di jei pror yon hak leu noni.

MBEN ISRAEL IMBUT-MBUT NYEN 14:27

“Yo di imbuk dini minso-nso nyen tut Da mem nijam pig bu i? Cobi! Dimiap mun di inso-nso nyen tut dima hagom tu.

NEHEI LEUSI 8:15

Noro hammi tirigi Firaun ngat lo, ugwaham nya hagom imai bingwig nok rino ningkek ndok tut Musa kin Harun ighyet pima hanyen bibit bi bit leu nok tuhan nipaisi.