MAZMUR 95:7 - ALLAH NIHYET MEM TUNGWATU NYA

⁷ Lewo Noni ne ide Allah ri. Nyeni ne Nide limwa nya rin ba, Noni nyohou nye bibie tut nye dem kep nok gembala di bie tut nide domba nya. Ma jingig jitingou mem nihyet ei njap di ammani. Noni pai,

MAZMUR 95:7 ပူးပေါင်းရင်းမြစ်များ

IBRANI 4:7

Lewo Allah bon nituti di ijem “Njap di Ammani.” Ari bingwam mang bibor niabiati yo dima icoi ug ei mpia dima bi ne Noni tri tut “Njap di Ammani” tug hon Daud di pas kep ayat pima ei Allah nihyetti “Gino jimiap Allah nihyet mem Njap di Ammani ne ma jingkek ndok tut au.”

IBRANI 3:15

Bit leu nok gi ipas ei Allah nihyetti “Gino jimiap Allah nihyet mem Njap di Ammani lene ma jingkek ndok nok jidigup bat-jidigai bat nya di yaham imbuk kep Noni au.”

NINGAT-HI-NGAT NYA 3:20

Jimiap e, diya kui dimbou heisi bidipuk dimbou ba, no di miap dihyet bikau dimbou leu Da lene midicoi ug ei nide ig bei nsi leu binhyepo niyem njita bit yam.

MAZMUR 48:14

Jicap ngug tig ba, jiyok jiyai kep tentara nibousi di igya coi nya leu binhyepo jipui sut gima yok hagom bak jide nintun him yamti di bram yam nya bu. Ma jipui biyok,

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

MAZMUR 74:1

Asaf de doia nibingginausi. Allah e, nggon rino akes nye bihigom ei i? Nggon rino agga Nanti Ade limwa nya kikau i?

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

MAZMUR 23:1

Doia Daud. tuhan ne ditde gembala ninyohou kep mun cig ri. Disuar mun nyeng hi kin bu bi.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 3:13

Noro ma jipingok yam ngonti bikwop mmun-njap kikau tirigi jiyaijo mem nijam di Allah nihyet pai “Njap di Ammani” leu binhyepo sisar ris je bijingkek ndok au.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MAZMUR 115:3

Nyeni ide Allah No rima ei gwamti. Noni yai midyai nya bit leu ningon kanti.

MAZMUR 79:13

Apino Ade limwa di nyeni di ninok Ade domba di anyohou nye minipai sigyo biNa bijo ninno bijo kikau ba, ug hon nohonti bi sren.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

MAZMUR 67:6

Dijoi sut gima tungwatu dihyeisi dini inggei sut Na di tuhan ba, yahagom inggei sut Na.

NIPINGOK NINGONTI 8:6

Jingig jitingou mem dihyet lewo dihyet igbit ba, bon ninyeng cem.

NIBOHON MBEN ISRAEL GI NIGOM 16:14

Ide Allah ne tuhan ri. Nikos tutti nya hagom bon ninyeng mem tungwatu dihyeisi dini hagom.

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.