MAZMUR 95:1 - ALLAH NIHYET MEM TUNGWATU NYA

¹ Jikwei ba, inggei sut tuhan. Iba ingon di llei bibor bipai doia bak Noni lewo Noni sindem bibor biya srak ko hagau nye!

MAZMUR 95:1 ပူးပေါင်းရင်းမြစ်များ

SAMUEL GI NICAN 22:47

tuhan niyaijo o! Dikon ditde No di ya srak ko hagau da ninyeng o! Jikon ditde Allah di teu da bidingwes ngun ninyeng di jei o!

NIBOHON MBEN ISRAEL GI NIGOM 16:9

Jipai doia ba, jibinggei sut tuhan. Jitri tut niyai munti nya di bindei ba, tungwatu nya inga leu sut hagom.

NIBOHON MBEN ISRAEL GI NICAN 20:28

Tirigi yuug krau minu ndig dima lene yahagom ingig ninggre ba, ikek nggong mbrei nya ba, imiep pun mbrei nya cem tirigi ibisau ndam tuhan De Ig.

MAZMUR 100:1

Doia mem midut nibipai sigyo bak tuhanti. Je di tungwatu dihyeisi dini hagom e, ma jipai kep doia bak tuhan!

MAZMUR 101:1

Doia Daud. tuhan e, diba doia bikiek dingon di gom tut Na kin ditde niba ningon sren bibon tungwatu nyati. Diba doia dini bikon anyenga!

MAZMUR 107:15

Suar ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yok cem.

MAZMUR 107:21

Suar ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yok cem.

MAZMUR 107:8

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 117:1

Je di ngkiai nya jahagom e, ma jinggei sut tuhan. Je di keret nya e, ma jikon ninyeng bijo anai!

MAZMUR 118:1

Jikwei ba, ipai sigyo bak tuhan lewo Noni singat tut nye ba, ningon ngakei nyeti ug hon nohonti bi sren cem.

MAZMUR 150:6

Ma mun di ninnei hei nuhwap nsi di niyaijo nya hagom inggei sut tuhan. Jikwei ba, inggei sut tuhan!

MAZMUR 18:47

tuhan niyaijo o! Dikon ditde No di ya srak ko hagau da ninyeng o! Jikon ditde Allah di teu da bidingwes ngun ninyeng di jei o!

MAZMUR 34:3

Dinggei sut Noni tut niyai munti nya. Ma yo di indwau nya ingig itingou mem dihyet di bindei ba, ingon llei.

MAZMUR 66:8

Je di ngkiai nya e, ma jiba jihyet di tibim tignam ei nyeni nitingou nsi bikon nyende Allah ninyeng a!

MAZMUR 81:1

Doia Asaf mem no di bie tut doia nimpung bit leu nihyet nibikiek Gitit.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

NEHEI LEUSI 15:1

Lene Musa kin mben Israel ikon doia bibinggei sut Tuhan bipai, “Dipai doia mem tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.

NEHEI LEUSI 15:21

Lene Miryam kon doia mem yahagom imiap bipai, “Jikwei ba, yahagom ipai doia bibinggei sut tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.”

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

KORINTUS GI NIGOM 10:4

lene idut kep ndia ngei di mindur di Allah pai tes mem yok cem noyam. Idut leu minyei bousi di hei kwei leu tig mindur di abia kep yok ba, tig dima ne Kristus Nonti ri.

EFESUS 5:19

Ma jiba srat mazmur kin doia nya bisimbot kep tut jihyet biyam. Ma jiba jingon di llei bibor bikon doia kin mazmur ba, jibinggei sut Tuhan.

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

NINGAT-HI-NGAT NYA 14:3

Tungwatu nya ibou sribu sratus gom ningot bitai ba, bitai pima igya ei banggo mbrei nuhui kin mindhe ningut bitai pima yoho bei kin nibou nya yoho bei bipai doia di nijep-jau di bit bon hiter ingon dorti tut kan bi. Noro yongkom he ingon dorti tut lewo igyai niteu leu dihyeisi tu.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.