MAZMUR 94:8 - ALLAH NIHYET MEM TUNGWATU NYA

⁸ Je di jingkek ndok e, ma jingon mbum nok au. Ma jibiyai hamem jikan-kan nyenti di kei ug e.

MAZMUR 94:8 ပူးပေါင်းရင်းမြစ်များ

MAZMUR 49:10

Lewo niyaijo nijep di jo kikau kin ningwes ngun leu nimai eisi nibok kak bibor.

MAZMUR 73:22

dingon mbum ba, dingon kiowi cem apino dinok mindhe ei ayai him.

MAZMUR 92:6

tuhan e, abon munti nya mindur bibor ba, akan-kan nyenti cem jut bibor.

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 12:1

Gino asindui sut ba, hi pingok angonti lene gima bindo bipia angon ngakei ningon kiti. Gino akou sut gi hi pingok angonti ne angon mbum.

NIPINGOK NINGONTI 8:5

Ma je di jimahan bigyo e, jita jibou ei ningon tekti. Je di jingon mbum e, ma jisindui sut ba, jipmem bat nya imiep jingona.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

ROMA 3:11

hi di ningon dorti tut mun di srenti bikuk no bak Allah cem no rinaha bi sren.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.