MAZMUR 94:21 - ALLAH NIHYET MEM TUNGWATU NYA

²¹ Yo dima ihwen yam ngon ba, ingon jo gom mem yo di ingon sren nya bikes hukum nimai ei yo di ingon ngun nya dip.

MAZMUR 94:21 ပူးပေါင်းရင်းမြစ်များ

NIBOU NDIG NYA GI NIGOM 21:19

Da di Allah disok dihyet ei nani dip bak noni ‘Abindei ba, Nabot mai su lene abipbur ba, ayai nide dihyei hanjop nsi nya cem tu. Gima rino nsien nya mipiei anggrom ei mpia di ipiei Nabot ninggrom ei pima.’ ”

NIBOHON MBEN ISRAEL GI NICAN 24:21

Noro limwa nya igyok ingon gom ba, itte tut Zakharia nihyet drek dip Allah ningon kanti dima. Nibou ndig Yoas cem tte tut noni noyam kin nide limwa nya. Noni yok ngon kep Yoyada di Zakharia nicig di ningon gom tut tuhan kikau bimai kep cem bi. Gima rino cuk tungwatu nya ba, iba tig bihwen Zakharia ei mpia di jo bas hak di iba ngug tig bikrop ttai ei tuhan De Ig nuhui bimai hak. Dideu Zakharia ninnei nikimbasti lene hara “Handei kon ba, tuhan ngat ayaisi dini bibindei ba, abiang ayai munti dini nibuhunti!”

MAZMUR 106:38

Isiber imunggwom bat nya di ibon mun tunggwei bi nya inggrom bindig yok kep hum ei nimbar hum dokti bak kwar nya. Igyaisi dima ribindei di map kui minu dimati a.

MAZMUR 22:16

Dikibou ngak-cai dem kep nok hum pimbang di ndung ba, didwep rap duhui him. Na di tuhan e, akes da bidibong ei dihyei nindungti tereu dimai su.

MAZMUR 56:6

Yo di imbuk tut da igyok nisinsiou ei ditde munhyet mem njap jei. Igyok ighyet mem yam leu binhyepo ditug ndei mun di buhun bijo kikau.

MAZMUR 59:3

Akwek da leu yo di isibut bibor dima yok inda nsi lene ateu da bidingwes ngun leu nimbiam cig nya inda nsi.

NEHEI LEUSI 23:7

Ma jimbres jenti leu yo di ipai kep tungwatu nya ugwai-gwai. Lene jibindei hukum nimai cut igkep no di ningon ngun au. Lewo dikou sut yo di ibon mun di kinei bibor di nok gima.

NIPINGOK NINGONTI 1:11

Gino yuhum ansi bipai “Akwei ba, ibisinggre mem gima itindei ser tungwa hi bihwen no di bon mun tunggwei hi bigyo!

NIPINGOK NINGONTI 1:16

Gino bit bon yo dima ibon mun di kinei dima kikau kep ingon bi lene bit bon ingon jo nyahan cem kan bi. Itindei ser nituti mem gima ihwen tungwatu nya.

NIPINGOK NINGONTI 17:15

tuhan ningon sibui sut yo di isindui sut ba, no di sibut ningwes ngun leu hukum kin yo di ikes hukum ei no di ningon ngun dip cem.

YEREMIA 26:15

Noro ma jiyok ngon kep bipia gino jiyai nimai bida lene jeni kin timiei minu ndig dini jingon mui drek dip gi jiyai nimai bak no di ningon ngun. Lewo tuhan ricuk da kwei leu binhyepo ditri tut nihyet bije.”

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:6

Nibou Israel nya yahagom iba ingon com yonti ide nisindemti ba, inok nihwen kep mun cig nya.

DANIEL 6:8

Nye dino nidimig mun nyeng hagom ei na di Nibou Ndig anyeng tak kepti bitut nibou minu kin wakil kin nibou kintrorti kin yo di inyeng tak kep mitiei kin sekertaris kin nikei kin nibou mem yo di igya ser nya nahagom nice tut yam hyet leu binhyepo na di Andigpoi atri tut nicukti di buhun gom leu binhyepo ade limwa nya yahagom ice tut ba, iba ingon di gom bibit. Gi kei mem na di Andigpoi atri tut nicukti di nibimbiti pai bipia harin dima ade limwa hi hara nide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima ne icom noni ug ei jui di singa nya ibongti.

MATIUS 27:1

Njap bigyoti ne imam nindig nya kin nibou mben Yahudi nya yahagom isimbot kep Yesus ninghapti biyam leu binhyepo ijem nimai gau Noni.

MATIUS 27:4

bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

YAKOBUS 5:6

Jijem nimai gau yo di ingon ngun nya bijihwen yok lo, igyai mun tunggwei bihwen bit je bi.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.