MAZMUR 94:16 - ALLAH NIHYET MEM TUNGWATU NYA

¹⁶ Tou rima mbrap gau da ei yo di isibut nya yoho bei i? Tou rino tti kin da bitte tut yo di ibon mun di kinei i?

MAZMUR 94:16 ပူးပေါင်းရင်းမြစ်များ

NIBOU NDIG NYA GI NICAN 10:15

Yehu bimbut kikau ba, ug ei puig sinon lene Yonadab di Rekhab nipmot kwei um noni. Yehu pigo bipai bak “Nyeni ingon jo gom bi e? Ajoi sut gima akon hampiap bou tut da e?” Lene Yonadab ce bipai “Igbit rin dijoi sut.” Yehu pai bak “Gi nok lene akwei ba, sikrau yam nda.” Ikrau yam nda lene Yehu brim Yonadab ninda bikui ei nide kroba pranti bibit.

NIBOU NDIG NYA GI NICAN 9:32

Lene Yehu kiek no bitou kep kendera mihyeti lene jem “Tou rino tti kin dani i? Yo di igya kui nibou ndig ibou pwoi di ibong ei ig nibou ndig dima imiap nihyet lene ikiek yok bitou kep nimo jug.”

NEHEMIA 5:7

bidiyai gi kos tut ei mem gima diyai dibou tut. Leu api dipai kep yo di inyeng jei nya kin nibou limwa nya bidisok kep yok “Jico kep jide bat limwa mben Israel!” Leu api ditri tut bipia suar yahagom idem yam mem gima imbus tut munhyet dini.

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 17:13

tuhan e, akiju! Ahwen ditde siceu nya ba, acut yok. Aba Ade singau simeda biteu da bidingwes ngun leu yo di isibut di imbuk tut da nya.

MAZMUR 59:2

Ditde Allah e, ateu da bidingwes ngun leu ditde siceu nya inda nsi. Anyohou da leu yo di ikwei hwen da nya.

YESAYA 59:16

Noni nggap leu sut gi hi kiju bimbrap gau yo di itug ndei nihwen bit yokti bi a. Gima rino Noni ba nisindemti biteu Nide limwa nya bingwes ngun leu lene bindei ba, yoom kep ide nitok joti nya.

YESAYA 63:5

Dinggok yo di impu Da lo, dinga leu sut gi hi kwei mpu Da bi. Noro Ditde nisindem biborti mpu Da ba, Ditde nigga biborti kon tut Da.

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

YEHEZKIEL 22:30

Dinggok no di dem mem gima win ngug tig kan kin gi ya ngkiem ser mpia di ngug tig tti leu su nya cem ei mben Israel ikieti mem gima ya ngkiem ser minu dima ei mpe di dibindei timek ide minu tug hon Ditde nigga bibor nikui mpiati. Noro digingat no dima ei mben Israel ikieti bi.

MBEN ISRAEL IMBUT-MBUT NYEN 10:35

Bikwop mpe dino Brua Gi Preu sindi bie tut yok lene Musa ngat nadi bipai “tuhan e, ma akiju ba, ahwen Ade siceu nya ba, ajji yo di ingon mpo tut Na binang ningwig ug.”

MATIUS 12:30

No di srep tut Da bi tti kin Da. No di mpu Da bi nggek tut Ditde midyai nya.

YOHANES GI NININGAI 1:8

Suar nye di Kresten yahati tut isut bat yo di ingon jo kep dima yok leu binhyepo ipriet kin ide midyai nitri tut Allah nihyet di nijitti.

NIJAM NIKEI NYA 5:23

tuhan de malaikati pai “Midisigion timiei Meros nya kin ide minu lewo ikwei mpu nye ba, ibrim ingkek mem gima ikon pran mem tuhan bit nye bi.”