MAZMUR 93:1 - ALLAH NIHYET MEM TUNGWATU NYA

¹ tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

MAZMUR 93:1 ပူးပေါင်းရင်းမြစ်များ

NIBOHON MBEN ISRAEL GI NIGOM 16:30

Je di tungwatu dihyeisi dini jahagom jidigit tirigi jiya ei Noho bei! Dihyeisi dini nddong kei ba, bit bon ugwa-kwei kan bi.

NIBOHON MBEN ISRAEL GI NIGOM 16:31

Mpia-bbed him kin dihyeisi dini e, ma jinggei-hi-nggei hak ug! Ma jitri tut bak mben yahagom bipia tuhan dima ne Nibou Ndig ri.

NIBOHON MBEN ISRAEL GI NIGOM 29:12

Mun di tungwatu nya inyeng tut nya kin ide mun di imati nya kin igyemti nya hagom kwei leu Nani. Anyeng tak kep mun nyeng hagom tug hon Ade nisindemti kin anyeng di jeisi cem. Ade nisindemti dem mem gima abindei ba, tungwa hi ninyeng jei ba, sindem bibor cem.

AYUB 40:10

Gi nok lene ma aba anyeng di jei kin angon di jei bimau nanti. Ma ajuk sinsun nibou ndig bitut nikei-kau-keisi.

MAZMUR 103:19

tuhan ta nide banggo mbrei ei gwamti. Ninyeng tak kep mun nyeng hagom.

MAZMUR 145:13

Ade ninyeng tak kep limwa nyati jo ninghig-niker. Ade nisindemti ug hon nohonti bi sren. tuhan ningon gom biyai igbit nipreu eisi nya hagom. Noni ba ningon di nggriu sut nye biyai Nide midyai nya hagom.

MAZMUR 18:32

Lewo tuhan Nongkom he rino Allah. Allah Nongkom he rino ya srak ko hagau nyeni.

MAZMUR 59:13

Ibon sisar tug hon ighyet di tibim ei yuhui him. Handei kon ba, yonti ibiam bon drek dip ingon jeisi. Ighyet jo kep nisigionti kin niris munti.

MAZMUR 65:6

Angig atingou mem nyeni nihyet tirigi abindei ba, nihwen nyende siceu nya bingwig. Aba mindur mang bibor biteu nye leu nikineisi. Ngkiai nya yahagom kin yo di ibong ei muk ngeisi nite dima ug iba ingon com Na.

MAZMUR 65:7

Ata nungug nya hagom bijo nijoti tug hon Ade nisindemti leu binhyepo ando Ade nisindem biborti brei bak tungwatu nya.

MAZMUR 75:3

Allah pai “Midiba dingon di sren bimbus tungwatu ingonti ei nituti di Danti dikos tut ei su.

MAZMUR 96:10

Ma jitri tut bak ngkiai nya “tuhan ne Nibou Ndig ri! Dihyeisi dini jo nijoti binddong kei lene bit bon ugwa-kwei kan bi. Noni ba ningon di sren bigwam nok nikei mem tungwatu nya.”

MAZMUR 97:1

tuhan ne Nibou Ndig ri! Ma dihyeisi ningon nggei-hi-nggei ba, mios nya cem igyai nillei.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

YESAYA 11:5

Noni miba ningon sren-srausi kin ningon gomti bibie tut nide limwa di ninyeng tak kep yok.

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YESAYA 51:16

Dani rino diba Niban bijun mpia ei mpia-bbed him bidiprion dihyeisi dini nikiou cem tu. Dipai bak timiei Sion nya ‘Ditde limwa nya rijeni. Diyai Ditde ningginausi bije bidiba Ditde nisindemti binyohou je.’ ”

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YESAYA 52:7

Yo di ingat no di ttau kep yok ei nungug him igyai nillei nindig bibor lewo no dima kwei sut nihyet di kei kin nihyet tut ningon kwes kin yamti kin nihyet tut niteu ningwes ngunti bak Sion bipai “Jide Allah ne Nibou Ndig ri!”

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

YESAYA 63:1

“Tou rikwei leu minu ndig Bozra ei minu Edom i? Noni juk sinsun ngwoi di sieng kei bimbut sindem ba, mimbri kui ningkek bibor.” Da di dikwei dini ne tuhan rin ba, disindem mem gima diteu tungwatu nya bingwes ngun ba, dikwei tri tut nihyet nibindei timek siceusi nya.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!