MAZMUR 92:14 - ALLAH NIHYET MEM TUNGWATU NYA

¹⁴ Inoyam kin biei di ita ei tuhan De Ig ba, idigek ei ide Allah nidim ba,

MAZMUR 92:14 ပူးပေါင်းရင်းမြစ်များ

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

MAZMUR 71:18

Allah e, nogindini duug wer andig-ndau bidibou tiei su lo, ma akes da ei au. Noro anyohou da kikau leu binhyepo ditri tut Ade nisindemti kin mimbri di kui angkekti bak ditde nintun him yamti di bram yam nya yahagom.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 46:4

Dinok jide Allah kikau ug bipek jinghim koi kep bidiya ser je kikau bijibou tiei kep. Dipai tes je ba, midinyohou je bidimpu je cem ba, miditeu je bijingwes ngun cem.

YEREMIA 17:8

Noni dem kep nok biei ndig di hei simin minyei pmem di biam ba, nigau huk kikau ug bipek kin minyei ngeisi. Noni ttin tut ngei-ndung bi. Nimeng ngun-ngau bijo kikau. Mbro nok gino ngei-ndung tot nide minu bibindei ba, hagom mui bingwig lo, ningon giku no tut bi lewo ngat ningat bijo kikau.

YEHEZKIEL 47:12

Bikwop biei nyeng di ngat ningat nya hagom hei ei mam bei cin di ug ninno dima. Biei dima nimeng mimbriong bi sren. Ningat nya mintun him bijo ninno bijo kikau. Ningat di nijep mintun biei dima him bikwop bed tug hon minyei di yai ningei bak bibiam kwei leu tuhan De Ig a. Ningat nya nok njita mem tungwatu nya ba, indung nimeng binok obat.”

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.