MAZMUR 91:15 - ALLAH NIHYET MEM TUNGWATU NYA

¹⁵ Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

MAZMUR 91:15 ပူးပေါင်းရင်းမြစ်များ

AYUB 12:4

Mbro nok gino dibon mun di igbit ba dingon kwes lo, disut bat nya kin dingon kieti nya ipa ndip da. Nipou ne Allah buhup ditde nadi mpe dino dahara Noni.

AYUB 5:19

Gino mun di buhun bibor om kep na lene Noni miteu kep na leu ba, angwes ngun.

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

MAZMUR 138:7

Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

MAZMUR 18:15

Noni prindei Nide tibor nya bibuhuk Nide siceu nya apino intek gimahap. Noni ba kigyei ninjeng di srei bitot-tot nyen bibindei ba, inang.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 58:9

Mpe dino jingat nadi ne midibirop hanyen bije. Mpe dino jahara Da ne midibuhup jihyet hanyen. Gino jimbuk tut yam bijiba nitok biyam ba, jipai yam nghapti cem bu bi ba,

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 12:43

Yo dima ijoi sut tungwatu nya inggei sut yok leu gima Allah joi sut yok a.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 5:44

Jingon llei sut ninggei sut yamti noro jibrim jingkek mem gima Allah Gom Ngat nggei sut je bi. Gi nok lene notou mijingon jo kep Da i?

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.