MAZMUR 91:14 - ALLAH NIHYET MEM TUNGWATU NYA

¹⁴ tuhan simbot dat “Miditeu yo di ingon ngakei Da bingwes ngun. Dinyohou yo di indo tut ingonti bipia dinyeng tak kep yok.

MAZMUR 91:14 ပူးပေါင်းရင်းမြစ်များ

NIBOHON MBEN ISRAEL GI NIGOM 29:3

Dingon ngakei ditde tuhan Allah De Ig. Gima bindei ba, dikwas mas kin perak leu ditde ndigban di dinyeng tut nya tut ig dima. Nimangti di dikwas tut nya ne,

EZRA 8:31

Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

MAZMUR 59:1

Doia Daud mem no di bie tut doia nimpung. Ibrim leu doia Ma Jicok Tut Au. Daud ba doia dini bikiek mpe dino Saul cuk tungwatu ba, yuug ba igyai hwen kep nide ig leu dima igyai nimai bak noni.

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

MAZMUR 9:11

tuhan e, yo di ikan tut Nani iba ingon com Nani lene akes yo di ikuk yok biNani ei bi.

MAZMUR 91:9

Lewo abibon tuhan nok No di ya srak ko hagau na. tuhan Di Ninyeng Jei Bibor ne bor ngug di anang coi ri.

YESAYA 33:16

Tug hon nisinati dima lene mijingwes ngun leu api jingon jo nyahan noyam kin yo di igwam coi tentara nibousi di sindem bibor. Njita kin ndia ngei minok gi dem mem je.

YEREMIA 39:17

Noro Da di tuhan midinyohou nani. Hi di mikes nani ei yo di attin tut yok nya indati ba,

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

GALATIA 4:9

Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.