MAZMUR 90:2 - ALLAH NIHYET MEM TUNGWATU NYA

² Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

MAZMUR 90:2 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

AYUB 15:7

Akan bipia nangkom he rino tungwatu nimbie him ngat di apmem srek tut na e? Angat rin bit Allah ei mpe di po Noni pai tes nungug him nya e?

AYUB 36:26

Allah dia-diau jit ba, bit bon nyeni ingon dorti tut Noni kan bi. Bit bon ikwop Nide ari bingwam nimangti cem kan bi.

MAZMUR 102:13

Noro tuhan e, Nani ne Nibou Ndig dijo ninno bijo kikau ri. Tungwatu nya ide nintun him yamti di bram yam nya migyok ngon kep Na.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 146:6

Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 33:9

Noni hap niji bipai tes dihyeisi dini hagom. Tirigi Noni kes nicukti lene nipai testi hagom tau hak ei nibreisi.

MAZMUR 93:2

tuhan e, ade banggo mbrei jo habiei ei nimbie him kikau kwei bipek ammani kep ba, jo ninghig-niker. Angat rin nipou tirigi ikwop ari bingwam nya nimangti sindam bigyo.

NEHEI LEUSI 8:6

Gima rino Harun su nide tom bijo nai minyei ngwa dip nya apino ugwaham nya ikiju leu minyei jou bikieng kep minu Mesir nisurti-nipekti hagom.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

DANIEL 7:9

Tirigi diyai bong kep ningat-hi-ngat dima lene dingat banggo mbrei poi di sindi ikwei prion ei. Leu api No di niyaijo bijo ninno bijo kikau kwei gwam ei banggo mbrei gom dip. Noni juk sinsun di tiei kei ba, nibou nta dem kep nok bungguma. Banggo mbrei dima bon nimig nok kroba nimig ba, hagom piga kei noyam kin hum di srei nidweb a.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

HABAKUK 1:12

tuhan e, Nani ne Allah habiei nimbie him kwei ri. Nani ne tuhan kin ditde Allah di kwes-kwau di niyaijo ninno bijo kikau cem ri. Na di tuhan kin ditde Allah di aya srak ko hagau da cem e, adimig mben Babel ei lene abindei ba, isindem bibor leu binhyepo aba yok bikes hukum ei nyeni dip.

IBRANI 13:8

Yesus Kristus luei ningonti kan bi ei nijam gi nipou kin nijam di nogindini kin nijam di nidipti di jo kikau bi sren.

NINGAT-HI-NGAT NYA 1:8

Allah di Sindem Bibor pai “Dani ne nimbie him kin nohon keti rin lewo dingat rin annani kin ammani bidikwei hanyen yo.”