MAZMUR 90:10 - ALLAH NIHYET MEM TUNGWATU NYA

¹⁰ Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

MAZMUR 90:10 ပူးပေါင်းရင်းမြစ်များ

YAKOBUS 4:14

Mei! Jikan tut mun di mipek kep mem je hak ei njap di hyep bi! Jiyaisi dem kep nok hum bre di ingat jei bi lene pren hanyen.

MAZMUR 78:39

Noni kan kep bipia yoni ne mun di ninnei tau nuhwap nsi di niyaijo kikau bi ri. Ba, idem kep hou di ug bihigom bingkwei hanyen bi sren.

SAMUEL GI NICAN 19:35

Ditde njap ug ei ari bingwam ningot muhwindaningai tu. Dingat dingwes ei mun nyeng hiti bu bi. Diyem njita hagom kei bi ba, biei ngat ningei hagom nok minyei he lene ditingou nam ser yo di ipai doia ighyet cem tu. Gino duug bong bit na di Andigpoi lene midinok mun di buhun mem nani.

NITRITI 47:9

Leu api Yakub buhup “Ditde njap ug ei ari bingwam sratus gom ningot ningai tu ba, dibong-bong wai bidem dihyei ninjek dip. Noro mun di buhun bibor cut igkep da ba, gino ibinai didigup bat-didigai bat di ibong-bong wai ide njap kin ditde njap ne ditde niyaijoti cun ba, mpung tut mun di nggruk cem.”

NINDAT KEP TUHAN NICUKTI NYA 34:7

Musa de njap ug ei ari bingwam sratus gom ningot can leu api mai lo, ninghim koi ba, niyai mmui cem bigyo.

NIBOU NDIG NYA GI NIGOM 1:1

Nibou Ndig Daud wer andig-ndau su. Mbro nok gino nide awak nya iba ban binggai kep noni lo, noni digok bibor.

AYUB 24:24

No dima bong kei gwam kei lai-laide he noro niabiati bu ne ug mai bijo ninno bijo kikau. Noni mimbris noyam kin mintu-minta di bon ninyeng bi ba, noyam kin pas nimbeu di ikos leu nintam.

AYUB 14:10

Noro gino tungwatu mai su lene mai bihigom. Noni kes dihyeisi dini ei lene ug ei siritou bu i?

YESAYA 38:12

Sinnei pas ba, side njap ningwigsi tau kep sa bidem kep prak meng di gembala nya ilet ba, dem kep mong di ikos leu hat di ibibien sinsun eisi. Sikan bipia Allah yai siyaijo ningwig honti bisa.

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

AYUB 20:8

Noni mipror dem kep nok nimumpriem ningwes he bipren hanyen noyam kin ningat-hi-ngat di ingat mem mmun.

NITRITI 6:3

Gima rino tuhan pai “Misisindui sut ba, tungwatu nya igyaijo ninno bi. Suar ma yoni imai lewo yoni ne tungwatu di igyaijo ninno rin bi. Hon kep ammani kui lene ide njap nimangti ug ei ari bingwam sratus gom ningot can he ug api imai.”

IMAM NYA IDE MIDYAI 27:7

Mem no di pinai di nide njap ug ei ari bingwam ningot muhwindagom bikui lene jiba mitiei perak nitig simnaimuhwidip bipek noni hanyen lo, jiba mitiei perak nitig simnai bipek nisop hanyen.

YOSUA 14:11

Noro ditde nisindemti noyam kin mpe di po Musa pinak da kwei pima yo. Disindem mem gima dikon pran ba, diyai midyai nindigsi nya hagom cem.

SAMUEL GI NICAN 19:36

Dem mem gima angondut da nok gima bi. Gima rino tirigi sisigon minyei lene midibit na di Andigpoi mbigom he leu api midingkwei hanyen.

AYUB 5:7

Igbit ri! Tungwatu nya ibindei ba, mun di buhun cut igkep yonti dem kep nok hum bom di jek nyen nya.