MAZMUR 9:19 - ALLAH NIHYET MEM TUNGWATU NYA

¹⁹ tuhan mibbwe ser yo di yuhui mbum nya bihigom bi. Yo di yuum mun di nggruk ide niba ningon comti mipror leu yok kikau bi.

MAZMUR 9:19 ပူးပေါင်းရင်းမြစ်များ

MAZMUR 3:7

Dittin tut ditde siceu ibou sribu-ribu di iba nitok bida di igyon ser da ei dite hi dite hi hagom bi.

MAZMUR 44:26

Ibindei timek nye tu. Gima rino nicut di ninem-nnai ei dihyeisi ba, nitti binitoi dihyei ndung ug a.

MAZMUR 44:23

Nigruap nimaisi drek dip Na ba, yo dima ibibon nye nok domba di ibui bikos kukiau drek dip niba ningon com Nati.

MAZMUR 10:12

tuhan e, akiju ba, akes hukum ei yo di isibut nya dip hak ug! Ayok ngon kep yo di ide siceu nya ihwen bit yok nya!

MAZMUR 7:6

lene asindui sut ba, ditde siceu di iba nitok bida yuhuk da bikat da leu api igyai nimai bida lene ibikes dingut bijo hak ei dihyei ngunti bimbut hak leu.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

MAZMUR 149:7

leu binhyepo ibuhup bak ngkiai nya bikes hukum ei ide limwa nya dip cem ba,

MAZMUR 79:6

Asiber Ade niggati dima ei ngkiai nya di ikuk yok biNa bingat nadi bak Nani bi nya dip ug.

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

ZAKHARIA 14:18

Gino mben Mesir ikou sut gi icoi bit midut Pesta Ig Jibei Mpam Meng dima ne tuhan miba nsuwer ajar bihwen yok drek dip. Ba, nsuwer dima noyam kin gi Noni bihwen mben nindigsi di icoi bit pesta dima bi cem.

YOEL 3:12

Suar ngkiai nya yahagom itin ei ba, induk yam kwei ei Mbang Briep Niya Ei Nikei Noho Bei. Da di tuhan digwam nok nikei ei mbang briep dima mem ngkiai nya di ibong bidem minu di gahai dini kou.

YEREMIA 10:25

Ma asiber Ade nigga biborti ei ngkiai nya di ikon Nani nok ide Allah ba, ikuk yok biNa bi dip hak ug. Lewo ihwen Ade limwa nya bisar bibor ba, ihwen nyende minu cem bitimek tu.

MAZMUR 80:2

Na di Gembala di anyohou mben Israel e, ma angig atingou mem nyeni nihyet. Na di abie tut Ade domba nya e, ma antu kep nye. Na di agwam nai kerub nya ei Ade banggo mbrei dip e,

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”