MAZMUR 9:13 - ALLAH NIHYET MEM TUNGWATU NYA

¹³ Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

MAZMUR 9:13 ပူးပေါင်းရင်းမြစ်များ

NITRITI 4:10

Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

NITRITI 4:9

Lene tuhan hig singgre Kain “Akinjoi Habel no hantou i?” Leu api Kain buhup “Dikan tut bi. Dani ne no di suar ya ser dikinjoi rin bi.”

NIBOU NDIG NYA GI NIGOM 21:19

Da di Allah disok dihyet ei nani dip bak noni ‘Abindei ba, Nabot mai su lene abipbur ba, ayai nide dihyei hanjop nsi nya cem tu. Gima rino nsien nya mipiei anggrom ei mpia di ipiei Nabot ninggrom ei pima.’ ”

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

MAZMUR 10:12

tuhan e, akiju ba, akes hukum ei yo di isibut nya dip hak ug! Ayok ngon kep yo di ide siceu nya ihwen bit yok nya!

MAZMUR 107:18

Ingon him wei bibindei ba, igyem njita kan bi apino iduhug-duhug nyen.

MAZMUR 119:132

Ma akiek aho ndam da ba, angondut da bit leu nok angondut yo di ingon ngakei Na.

MAZMUR 119:153

Angig ayai kep ditde niwei-nidutti ba, ateu da bidingwes ngun lewo diba diyai ngat Ade nicukti nya bi.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 13:3

Suar dibiang mun di buhun ba, dingon ngguk ei njap jei ug bipek mpe di tou i? Ditde siceu nya mico kep da ug bipek mpe di tou i?

MAZMUR 142:6

tuhan e, dahara Na lewo Nani ne mpia di dinang coi ri. Disuar Nangkom he mem nijam di diyaijo ei dihyeisi dini.

MAZMUR 25:19

Angat i! Ditde siceu nya imang bibor ba, ingon mpo tut da cem.

MAZMUR 30:3

Ditde tuhan Allah e, dahara Na leu binhyepo ampu da leu api abindei ba, dikei hanyen.

MAZMUR 38:19

Dipai jit ditde sisar bidingon bos-bos nyen tirigi dikan-kan nyen tut ditunggweisi nya.

MAZMUR 51:1

Doia Daud mem no di bie tut doia nimpung

MAZMUR 56:13

Allah e, midiyai mun bipek kep ditde nipreu ei mem Nati tu nya. Midibon midut nibipai sigyoti biNa tug hon mun di dikes bijo ei nimbar hum dokti.

MAZMUR 86:13

Lewo aba angon ngakei dati di nindig bibor di nggek jei bi bingon ngakei da. Ateu da bidingwes ngun leu jui nsi tu.

YESAYA 38:10

Dipai bipia side njap ug ei nahacanti he yo lo, suar suug bisibindei ngwig side njap nikenti ei minu nimai nya ide.

NIBWOS-BWOS NYENTI 1:11

Timiei nya iba ninso-nso nyenti binggok njita o! Iba ide ndigban di nibok kak pima biluei njita ba, iboom inghop leu binhyepo imai inggum bi o! Minu ndig Yerusalem hara nok tungwatu bipai “tuhan e, angat da ba, angig ayai kep da tut ditde ninghuisi wei hagom ug e!”

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

YOHANES 2:6

Dibijig ngwak mem ibipiap inda eisi ningat muhwindagom jo ei mpia dima bit leu nok mben Yahudi igyai kepti. Dibijig gom dem mem ikiber kau nuut simnaimuhwidip eisi.