MAZMUR 89:8 - ALLAH NIHYET MEM TUNGWATU NYA

⁸ Ninnei di ikwes-kwau nya di igya bikrop ttai Na ikon anyeng ba, inghuisi mpig sut Na.

MAZMUR 89:8 ပူးပေါင်းရင်းမြစ်များ

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

AYUB 37:22

Nipigati di piga kei dem kep mas mbrawin tau hak ei nite bei mpia nijjai. Allah de nikei-kau-keisi bindei ba, nyeni inggap leu.

AYUB 9:19

Gino diba ditde nisindemti bikui dip Noni lene Noni buhup hak yo, dingat rigini. Gino dipai kep Noni drek dip munhyet gom ne tou rimbrap gau da bijem Noni kwei ei nikei noho bei i?

MAZMUR 147:5

Ide tuhan nindig bibor ba, mipbor ngat cem. Bit bon nyeni ingon dorti tut Nide ningon kiti di ug hon nohonti bi kan bi.

MAZMUR 24:8

Nibou Ndig di ninyeng jei dima tou i? Noni ne tuhan di sindem bibor ba, mimbri kui ningkek bibor cem ri. Noni kon pran bit Nide siceu nya ba, bindei timek yahagom bingwig.

MAZMUR 35:10

Diba dingon titut yam bipai “tuhan e, hi noyam kin Nani bi! Apas no di sindem bi leu no di sindem ninda nsi kin no di nuhui mbum kin no di yai ninghuisi wei leu no di co kep yok ninda nsi.”

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

MAZMUR 89:13

Apai tes minu di jo nite bei mpia nijjai kin mpia nibiho cem. Nungug Tabor kin Nungug Hermon iba ingon di llei bimbos-hi mbos dem kep nok tungwatu nya.

MAZMUR 89:6

tuhan e, mbusyamei nya ei gwamti iba doia bikiek Ade midyai di mindur nya ba, ninnei di ikwes-kwau nya iba doia bikiek angon gomti.

YESAYA 28:22

Dimiap tut tuhan Di Ninyeng Jei Bibor ba, Sindem Bibor cem nikos tutti mem gima bindei sar jide minu titut yam tu. Ma jihyet kinei sut nihyet nibisok kepti di ditri tut bije dini au. Jei bi lene nggruk bibor mem gima jiteu jenti bijingwes ngun a.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

NINDAT KEP TUHAN NICUKTI NYA 32:31

mben Israel ide siceu nya ikan tut bipia yonti ide kwar di ikuk yok bak nya sindem ba, noyam kin tuhan di nok mben Israel ide Allah di sindem bibor bi.

NINDAT KEP TUHAN NICUKTI NYA 7:21

Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

SAMUEL GI NIGOM 15:19

Nggon rino na di Andigpoi abit nicuk nati dima bi i? Nggon rino abrim angkek dino ayai ide ndigban nya ba, abibindei Allah ningon pus tut na drek dip ayai munti dima i?”

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.