MAZMUR 89:4 - ALLAH NIHYET MEM TUNGWATU NYA

⁴ Na di tuhan apai “Dipreu ei mem Nibou Ndig Daud ba, diba neheng bipreu ei mem ditde awak di didimig ei su,

MAZMUR 89:4 ပူးပေါင်းရင်းမြစ်များ

MAZMUR 132:12

Gino apmot bat nya ikrau kep nipreu eisi dima kin Ditde nicuk yokti nya lene yo di intun yoni him migya luei yam hoti bu binok nibou ndig nya sindam bijo ninno bijo kikau.”

NIBOHON MBEN ISRAEL GI NIGOM 22:10

Apmot dima rino mingot ig mem Da. Noni minok dipmot lene Dani dinok nicigya. Nibou ndig Israel de banggo mbrei di ndo bipia ninyeng tak kep mben Israel dini mijo nijoti mem yo di intun noni him bijo ninno bijo kikau.’ ”

NIBOU NDIG NYA GI NIGOM 9:5

midiyai hagom bit leu nok gi dipreu ei mem acig Daud pima. Nide nintun him yamti di bram yam nya mporo inyeng mitak kep mben Israel bram yam bijo ninno bijo kikau.

NINGAT-HI-NGAT NYA 22:16

“Da di Yesus dipinak Ditde malaikati leu binhyepo noni hwou tri tut mun dini yok hagom ei mbusyameisi nya. Dintun Daud de keret him. Dani ne singmur mpia priti di njeng kei ri.”

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

MAZMUR 89:36

Deheng bitug hon dinyeng di kwes-kwau mbigom ngat bijo kikau bipia midipai-pai wai bak Daud bi sren.

MAZMUR 89:29

Midikes dingon ngakeisi di ug hon nohonti bi sren ei noniti bijo ninno bijo kikau. Mun di dipreu ei mem noni cem micut bi sren.

MAZMUR 89:1

Etan di mben Ezrahi de doia ningginausi.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

SAMUEL GI NICAN 7:29

Leu gima rino dahara bak Nani, ma anjei mun di kei bak ditde nintun him di bram yam nya leu binhyepo Ade ningon ngakei yokti mijo nibreisi mem yok. tuhan Di Anyeng Jei Bibor e, apreu kep da tut mun dini yok hagom tu. Gima rino mporo ma anjei mun di kei bak ditde nintun him di bram yam nya bijo ninno bijo kikau.”

NIBOHON MBEN ISRAEL GI NIGOM 28:4

tuhan Allah di mben Israel ikuk yok bak dimig dani kin ditde nintun him yamti di bram yam nya ei mem gima ninyeng tak kep Israel bijo ninno bijo kikau. tuhan dimig keret Yehuda lene ndo dicig nide ig bei nsi nya leu nindigsi di intun keret Yehuda him. Lene Noni dimig dani leu dikindig bat nya ikieti ei dicig nide ig bei nsi dima. Lene bikon dani bidigwam nok nibou ndig leu binhyepo dinyeng tak kep mben Israel yahagom.

MAZMUR 89:50

tuhan e, gi preu po bindo tut angon ngakei dati nimbie him po aba angon gomti bipreu ei mem Daud pima jo tirigi tou i?

MAZMUR 132:11

Apreu ei mem noni tug hon neheng tu. Ba, angkwei leu nipreu eisi dima bu au. Nipreu eisi dima pai “Midikon apmot gom nok nibou ndig ba, noni miya luei ahoti ba, ninyeng mitak kep mben Israel.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.