MAZMUR 89:18 - ALLAH NIHYET MEM TUNGWATU NYA

¹⁸ Abindei ba, nihwen nyende siceu nya bitimek bingwig. Nico kep nyende nitok joti nya tug hon asingat tut nyeti.

MAZMUR 89:18 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MAZMUR 148:14

Noni ribindei dino Nide limwa nya inok mben di isindem bibor leu binhyepo Nide limwa di ningon kieti nya minggei sut Noni. Jikwei ba, inggei sut tuhan!

MAZMUR 44:4

Ade limwa nya inda rom dihyei dima bigyati tug hon ide singau simeda bi. Iba yonti ide nisindemti cem boom kep ide siceu nya bi. Noro igyai bigyati tug hon Na di tuhan Ade nisindemti kin Ade nipigati di bindo tut gima Angat rin bit yok lewo ajoi sut Ade limwa nya.

MAZMUR 47:9

Noni gwam ei nide banggo mbrei di Noni dimig ei mem Nonti dip ba, ninyeng tak kep ngkiai nya yahagom.

MAZMUR 62:6

Diba dingon di jo nyahan bibet dingon mem Allah. Diba dingon com Noni.

MAZMUR 71:22

Allah e, midiba nggong bikon anyeng lewo angon gom kikau. Israel de Allah di kwes-kwau e, midiba nggong mbrei bikon anyenga.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 30:11

Ma jitti bileu ba, jikak puig hiter leu. Ma jiba mben Israel ide Allah di kwes-kwau bindin nye bu au.”

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

YESAYA 43:14

Mben Israel ide tuhan Di Kwes-Kwau di teu yok bingwes ngun cem pai “Midipinak tentara nimpung gom ug ei minu Babel leu binhyepo iteu je bijingwes ngun. Dinggek tut dimbou ig bui de nibahau yamti nya leu lene mben Kasdim mimbos-hi-mbos bu bi noro igyai nggwei kibor.

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.