MAZMUR 86:5 - ALLAH NIHYET MEM TUNGWATU NYA

⁵ tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

MAZMUR 86:5 ပူးပေါင်းရင်းမြစ်များ

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

MAZMUR 103:3

Noni kos ser jide sisar hagom bibindei dino jikei hanyen leu ninggwenti di hwen je hagom.

MAZMUR 103:8

tuhan ningon ngakei nye bingondut nye cem. Noni bet ningon mem nye ba, ningon mpung tut ningon ngakei tungwatu nyati di ug hon nohonti bi sren.

MAZMUR 119:68

Lewo asingat kei ba, abon mun di kei. Angginau da tut Ade nimbrap tutti nya.

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MAZMUR 130:7

Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

MAZMUR 145:18

Noni kwei ya kui yo di yahara Noni kin yo di iba ingon gom bingat nadi biNoni cem.

MAZMUR 25:8

tuhan ndo puig bak yo di israwir nya lewo Noni kei ba, ningon gom cem.

MAZMUR 36:7

Ade nisingatti kui sur nungug dip ba, Ade ningon sren-srausi jut bibor bidem muk ndigsi nijutti. tuhan e, anyohou tungwatu kin mindhe-ndhe nya.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 52:1

Daud de doia ningginausi mem no di bie tut doia nimpung.

MAZMUR 69:14

Noro midingat nadi bak Na di tuhan. Allah e, ma abuhup dihyet mem nikwesti di kei bibor mem Na. Abuhup dihyet tug hon angon ngakei dati di nindig bibor ba, tug hon angon gomti cem.

MAZMUR 69:16

Ma asindui sut ba, minyei di su mihwen da bikot da ei minyei jou bibindei ba, dinnei kimbas buug ei jui nimai nya ide au.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

NEHEI LEUSI 34:6

Lene Noni mbut sin Musati bipai “Dani ne Tuhan rin ba, dinok Allah di ngondut tungwatu nya bisingat tut yok cem. Ditde ningon ngakeisi nindig bibor bikum eisi bu ba, dingon gom cem. Dingon sibui sut tungwatu nya haninyai kan bi.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

YEHEZKIEL 36:33

tuhan Di Ninyeng Jei Bibor pai “Tirigi dipiap je bijipwoi kei leu jide sisar nya ne midisindui sut ba, jibong ser jitimieisi ba, jikinding jide ig hanyen.

YEHEZKIEL 36:37

Lene tuhan Di Ninyeng Jei Bibor pai “Je di mben Israel e, midisindui sut ba, jahara Da leu binhyepo dimpu je hanyen. Midibindei ba, jidigek kep mpia noyam kin domba nya di idigek bimang-mang.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

KISAH 2:21

Mpe dima lene Tuhan miteu bibikwop tungwagom-gom di hara Noni biyai niyaijo nijep biyok.’

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!