MAZMUR 86:1 - ALLAH NIHYET MEM TUNGWATU NYA

¹ Daud ngat nadi. tuhan e, angig atingou mem ditde nadi ba, abuhup dihyet. Lewo duhui mbum ba, disindem bi cem.

MAZMUR 86:1 ပူးပေါင်းရင်းမြစ်များ

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 102:1

No di um mun di nggruk bininghuisi jet-jop nso bak tuhan.

MAZMUR 102:17

tirigi Noni win Sion hanyen bu bindo ninyeng di jei brei biyok.

MAZMUR 119:22

Akwek da leu ighyet di tigut da kin ide nipai kep dati cem lewo diyai kep Ade nicukti nya.

MAZMUR 140:12

Abindei ba, mun di buhun bibor cut igkep yo di iris mun ei nindigsi nya dip hak ug. Asindui sut ba, no di bibon hiter ninyeng kinei niyaijo ei dihyeisi dini au.”

MAZMUR 142:1

Daud ba doia bikiek ningginausi tut ninang coi hak mihyeti.

MAZMUR 17:6

Allah e, dahara Nani lewo abuhup dihyet ninno tu. Gima rino angig atingou mem dihyet ba, amiap kep ditde nadi.

MAZMUR 25:16

Angig ayai kep da lene angondut da lewo dingwes srek ba, ditde siceu nya ihwen bit da.

MAZMUR 31:2

tuhan e, digwam coi Nani. Ma asindui sut ba, hi bindei timek da au. Ateu da bidingwes ngun tug hon angon sren-srausi.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

MAZMUR 40:17

Dijoi sut gima yo di ikuk yok biNa yahagom ingon nggei-hi-nggei ba, yo di inggok tut Na yahagom ingon llei bibor cem. Handei kon ba, yo di ateu yok leu sisar nya yahagom ipai sigyo hanyen biNa bipai-pai nyen “Mbenjen! tuhan ninyeng jei bibor!”

YESAYA 37:17

tuhan e, ma amian huk mun di cut igkep nye ba, angig atingou mem Sanherib nihyet di wer mpiahi tut Na di Allah Di Ayaijo dini.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.