MAZMUR 85:3 - ALLAH NIHYET MEM TUNGWATU NYA

³ Akos ser Ade limwa nya ide sisar nya ba, adip tut ide nitunggweisi nya hagom tu.

MAZMUR 85:3 ပူးပေါင်းရင်းမြစ်များ

NIBOHON MBEN ISRAEL GI NICAN 6:39

lene ma angig atingou ei atimieisi ei gwamti mem ighyet ba, angondut yok. Ma abuhup ide nadi di ingat nya ba, akos ser Ade limwa nya ide sisar di ibon nya hagom.

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

NEHEI LEUSI 32:22

Lene Harun buhup “Ma angon sibui sut da au. Akan tut bipia yo dini ita ibou ei nibon sisarti.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YESAYA 40:1

Ide Allah pai “Ma jiwin ingonti ba, jiwin Ditde limwa nya ingonti!

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 6:7

Noni ba hum mbom dima bingget duhui ngkek bipai “Hum mbom dini ngget ahui ngkek ba, nogindini angon mui bu bi lewo tuhan kos ser ade sisar tu.”

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

MIKHA 7:19

Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 32:43

Je di ngkiai nya e, ma jinggei sut tuhan De limwa nya. Noni kes hukum ei tungwa tou rino hwen Nide limwa nya dip. Noni birop hanyen bak Nide siceu nya noro kos ser Nide limwa nya ide sisar.”