MAZMUR 84:7 - ALLAH NIHYET MEM TUNGWATU NYA

⁷ Tirigi yoni imbut ug ei Mbang Biei Balsem lene mpia dima luei nitta binok minyei bousi mien mang bibor tug hon mpia di but bibie tut mun di kei.

MAZMUR 84:7 ပူးပေါင်းရင်းမြစ်များ

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

MAZMUR 122:2

Nogindini nikwei krau binicoi kak dimbou pmem minu ndig Yerusalem tu.

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

MAZMUR 43:3

Akes angon gomti bijo ei nibreisi nok ninjeng di piga digai puig bibie tut da leu binhyepo dibingkwei hanyen ug ei Sion di nok Ade nungug tou di adimig ei bikwes-kwau ba, ug ei Ade Ig di abong ser cem.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 40:31

Noro yo di iba ingon com tuhan migyai nisindemti di nijep bu. Yoni inok hacam krubrig di ba ninyehei di nyan biko-ko nyen ei anai. Mbro nok gino yo dima idor sindem lo, inghuisi wei bi. Mbro nok gino imig dia mem nimbut nya lo, ibiau dut cem bi.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YEREMIA 31:6

Igbit ri! Ei nidipti bu lene yo di igya ser jide minu ei nungug tou Efraim nya ipai cuk yam ‘Jikwei ba, yahagom ikui ug ei Sion ba, idideu tuhan di nok ide Allah.’ ”

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

ZAKHARIA 14:16

Niabiati bu ne yo di ibong ei mben di ikon pran bit minu ndig Yerusalem nya ikieti di igyaisi jo yo nya yahagom miyuug ei minu ndig dima mem gima ikuk yok bak Nibou Ndig di tuhan Di Ninyeng Jei Bibor ba, ibit midut Pesta Ig Jibei Mpam Meng cem.

LUKAS 2:24

Lene ibon midut nikos bijut hacig gom hawek gom e, he nikos hakimoi nimien ningut can e, bit leu nok Allah nicukti.

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 6:39

No di cuk Da kwei ningon kanti rinok gini. Bikwop yo di Noni kes yok biDa lene hi mipror bi. Noro midiwin yok hanyen leu imai eisi ei Njap Ningwig Honti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

NINDAT KEP TUHAN NICUKTI NYA 16:16

Suar pinai mben Israel yahagom ikwei kuk yok bak jide tuhan Allah mbiningai ei nijam ari bingwam gom ei mpia ttou nsi di Noni ndo ei su. Nok idem yam ei Njap Ndig Paskah kin Njap Ndig Nike Gandum kin Njap Ndig Ig Jibei Mpam Meng. Bikwop tungwagom-gom suar ttei munkwas,

TESALONIKA GI NIGOM 4:17

Leu api Allah mibuwak nye di igyaijo nya ba, yuum yo di ikiju bibie nya ei bumbuhuiti lene yahagom mikui biyuum Tuhan ei mpia-bbed him ba, yahagom migwam bit Noni bijo ninno bijo kikau.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus