MAZMUR 84:11 - ALLAH NIHYET MEM TUNGWATU NYA

¹¹ Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 84:11 ပူးပေါင်းရင်းမြစ်များ

NIPINGOK NINGONTI 2:7

Noni mpu yo di ingon sren nya kin yo di ingon gom nya biya srak ko hagau yok.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

FILIPI 4:19

Allah di dikuk da bak di nyeng tut mun di binyohou je nindig bibor miyai mun di jisuar nya hagom bije tug hon Kristus Yesus.

MAZMUR 85:12

Mben Israel ingon gomti mikui ug ei gwamti leu api Allah de ningon sren-srausi micap kwei leu gwamti ndam yok.

NIPINGOK NINGONTI 10:9

Yo di ingon gom nya ingwes ngun noro tuhan ngat igbit no diris mun.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

MAZMUR 3:3

Imang bibor di ipai bipia Allah kou sut gi mpu dani.

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

NIPINGOK NINGONTI 28:18

No di ningon kwes ningwes ngun leu mun di cut igkep noni. Niris kep mun cig micut kros.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

MAZMUR 15:2

No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

MAZMUR 119:114

Ambrap gau da bidigwam coi Nani lene diba dingon com Ade nipreu eisi nya.

NIPINGOK NINGONTI 28:6

No di nuhui mbum di ningon gom kei bibor kei dor njiriek no di nyeng di ris mun ei tungwatu nyati.

MIKHA 2:7

Ma akan bipia tuhan mbriom Nide limwa di mben Israel au! Noni bibon yok nok gima bi. Noni moom ningon tut yok kikau. Noni ba ningon di nggriu nyohou pingok yo di ibon mun di igbit nya ingonti bi e?”

GALATIA 2:14

Tirigi dingat lo, igyai kepti srep tut Nihyet Di Kei di nijit lene dipingok Petrus bou yo di idem yam ei yahagom yoho bei bidipai bak “Nani ne mben Yahudi rin noro ayai munti nya tereu nok ngkiai nya. Nggon rino awit huk ngkiai di ingon jo kep nya leu binhyepo ibit mben Yahudi ide midut dima hanyen bu i?”

MAZMUR 84:9

tuhan Allah Di Sindem Bibor e, ma angig atingou mem dihyet tirigi dingat nadi. Yakub de Allah e, ma antu kep.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

YOHANES 1:9

Nipigati dima ne nipigati di nijit rin ba, kwei ei dihyeisi dini leu binhyepo piga ei tungwatu nya yahagom ingonti.

MAZMUR 47:9

Noni gwam ei nide banggo mbrei di Noni dimig ei mem Nonti dip ba, ninyeng tak kep ngkiai nya yahagom.

NINDAT KEP TUHAN NICUKTI NYA 18:2

Harin dima yoni ima dihyei hanjop nsi noyam kin keret nindigsi nya a. Lewo tuhan Nonti ne ide mun ninda rom rin bit leu gi Noni preu ei mem yok nipou su.