MAZMUR 82:5 - ALLAH NIHYET MEM TUNGWATU NYA

⁵ Jigikan tut mun nyeng hi bi bibor bijingon mbum ba, jingon dindi bibor cem. Lewo jeni rino jibindei di ningon srenti nggek sinsiou ug a.

MAZMUR 82:5 ပူးပေါင်းရင်းမြစ်များ

AYUB 8:9

Nyeni igyaijo mem nijam di jei ba, ingon ki tut mun nyeng hi cem bi. Igyaijoti noyam kin bumbuhui di tap di jo mbigom leu api pren hanyen.

MAZMUR 11:3

No di ningon sren mibon mindei gino tungwatu nya ide nibon munti nya nggek sinsiou tu i?”

MAZMUR 14:4

tuhan pai “Yo di isibut dima ingon dorti bi e? Ipos mun ninyeng hagom leu Side limwa nya ba, ingat nadi bak Sa di tuhan cem bi sren.”

MAZMUR 53:4

Noro yahagom israwir ba, igyaijoti kinei bibor. Tungwa hi di niyai munti kei bi.

MAZMUR 75:3

Allah pai “Midiba dingon di sren bimbus tungwatu ingonti ei nituti di Danti dikos tut ei su.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

NIPINGOK NINGONTI 1:29

Jisem tut nintin kimboti bijikou sut gi jibit tuhan nihyet ninno tu.

NIPINGOK NINGONTI 2:13

Yo dima ikou sut igyai munti di kei nya bikak puig nidinditi di mpung tut sisar ba,

NIPINGOK NINGONTI 4:19

Noro puig di yo di isibut nya imbut kak dindi bidem kep mmun mau di dindi-kai ba, indrat mpia bicut lo, igikan tut mun di indrat bi.

NIBA NINGON SRIP HUKTI 2:14

No di ningon ki ngat puig dima mbut kak. No di ningon mbum mbut nok no di niyai tu di tibap-tibap nyen he.” Noro dikan tut bipia mun di mipek kep mem yo dima yahagom noyam.

NIBA NINGON SRIP HUKTI 3:16

Dingat mun nyeng gom kin bu bou diyai him ei dihyeisi dini. Nisibut biborti om kep nikei nikos tutti di sren kei kin mun di igbit nya.

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

YESAYA 59:9

Mben Israel ipai bak Allah “Nogindini nikan tut nggon rino ateu nye di ningwes ngun leu yo di ico kep nye inda nsi bi a. Nibet ningon mem nipigati lo, nidinditi nggai nye.

MIKHA 3:1

Je di nibou mben Israel e, ma jimiap kep dihyet! Suar ma jikan bidem tut nikos tutti di sren kei nya,

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

YOHANES 3:19

Noni tug ndei hukum bitig dino nipigati piga digai dihyeisi dini tu noro tungwatu nya ijoi sut nidinditi nindig dor njiriek nipigati lewo igyai munti nya hagom kinei bibor.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

YOHANES GI NIGOM 2:11

Noro no di ba nitok bak nisut no di Kresten ningat rin ei nidinditi. Noni mbut mem nidinditi leu api srawir lewo nidinditi bindei ba, niyai tu.