MAZMUR 82:3 - ALLAH NIHYET MEM TUNGWATU NYA

³ Ma jimbrap gau moibihi kin yo di inghuisi jet nya bijiba jingon gom bikos tut mun di igbit bak yo di yuhui mbum nya kin yo di yuum niweisi nya.

MAZMUR 82:3 ပူးပေါင်းရင်းမြစ်များ

AYUB 29:12

Lewo dimpu kep nuhui mbum nya tirigi itindei dindati tut munkwas bidimpu kep moibihi nya di bihi ingondut yok bi cem.

AYUB 31:21

Gino diyok dingon gom tut moibihi leu binhyepo noni micut ei nikei noho bei lewo dikan tut bipia nibou nya itti kin da lene,

MAZMUR 10:18

Ambrap gau moibihi nya kin yo di ide nitok joti nya ihwen bit yok nya tut ide munhyet leu binhyepo ide nitok joti nya mibindei ba, ingon digit bu bi.

NEHEI LEUSI 23:3

Mbro nok gino no di ya ei nikei noho bei nuhui mbum lo, ma je di nindigsi jibibon noni ter leu tungwatu nindigsi nya au.

NEHEI LEUSI 23:6

Ma jiba jingon di sren bibon no di nuhui mbum di ya ei nikei noho bei bimbot kep tut yo di iba mbrap bit noni.

NIPINGOK NINGONTI 31:9

Ma ambrap gau yok lene anok nikei di ba ningon di gom bimbus ingonti. Ma anyohou mun di bitut nuhui mbum nya kin tungwatu di yo di hiter ico kep yok nya.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEREMIA 5:28

immau jo yokti cem ba, mun di isuar nya hagom dem mem yok. Ibon munti di kinei bibor dima ug hon nohonti bi. Igiba ingon di gom bimbus munhyet di munggwom awak nya ide bi ba, igimbrap gau yo dino hiter ico kep yok nya tut ide munhyet cem bi.

ZAKHARIA 7:9

“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.

NINDAT KEP TUHAN NICUKTI NYA 10:18

Noni hati tut moibihi nya kin sop kibom nya bibindei ba, tungwatu nya ibibon yok nok igbit. Ningon ngakei ngkiai nya di ibong srig jikieti bikwas njita kin sinsun tut yok.

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.