MAZMUR 80:13 - ALLAH NIHYET MEM TUNGWATU NYA

¹³ Allah e, nggon rino anggek ngug di bikrop ttai minu dima i? Nogindini tungwatu nya di injiriek minu dini imbrai ba anggur dima ningat tu.

MAZMUR 80:13 ပူးပေါင်းရင်းမြစ်များ

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

MAZMUR 89:42

Yo di imbut nyen di injiriek nya ipos nide ndigban ba, yo di ninttig-tta nya ipa ndip noni.

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

YEREMIA 52:7

lene ide siceu nya inggek ngug tig dima bicoi bigyai minu ndig Yerusalem bigyati. Mbro nok gino siceu dima yok igyon ttai minu dima lo, tentara Yehuda yahagom imbris nyahan ei nibou ndig de miai bunggan ba, yehei kak dimbou hui di itu ei ngug tig nipuig can kieti binang bingwes ngun ndam Minyei Yordan.

YEHEZKIEL 19:12

Noro nigga kep mun cig nya yohom binjei ug ei dihyeisi. Hou mpia priti kuisi bibindei ba, ninjem di ngun-ngau mui hak. Ninda nya dahat bimui leu api indig kep hum.

NAHUM 2:3

Siceu ide mun di ibipukep tibor ninggwenti nya di ibicuon ser igyaisi ngwoi kei. Ide sinsun pran di ijuk wer ninggrom. Ide kroba pran di sieng kei dem kep nok hum di yem mpia ba, ide kuda pran nya ipri-pri nyen.