MAZMUR 8:2 - ALLAH NIHYET MEM TUNGWATU NYA

² tuhan e, he nyende Allah e, Ade nisindemti jo brei bou tungwatu nya yahagom igyai him! Ade nikei-kau-keisi kui sur mpia-bbed him tug hon,

MAZMUR 8:2 ပူးပေါင်းရင်းမြစ်များ

MAZMUR 148:13

Nna ba yoni yahagom inggei sut tuhan! Lewo ninyeng jei dor njiriek ninyeng nindigsi nya hagom. Nide nikei-kau-keisi kieng kep mpia-bbed him kin dihyeisi dini.

MAZMUR 4:4

Ma jiyok ngon kep bipia Tuhan dimig yo di ingon kwes nya ei mem Nonti tu. Mpe dino dahara tuhan lene Noni miap ditde nadi.

MAZMUR 44:16

Ipai da kinei ei njap jei bibindei ba, digwam nimmaiti bidiyaisi cem mmai,

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 57:6

Allah e, ando Ade nisindem biborti brei ei mpia-bbed him a. Ando Ade nikei-kau-keisi bidem dihyei nisurti-nipekti.

NEHEI LEUSI 11:7

Noro nimai mingget mben Israel kin ide mindhe-ndhe nya bi. Mpe dima lene mijo nibreisi mem je bipia tuhan bindei ba, Nide limwa di mben Israel kin ade limwa di mben Mesir ter leu yam.”

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

YESAYA 40:31

Noro yo di iba ingon com tuhan migyai nisindemti di nijep bu. Yoni inok hacam krubrig di ba ninyehei di nyan biko-ko nyen ei anai. Mbro nok gino yo dima idor sindem lo, inghuisi wei bi. Mbro nok gino imig dia mem nimbut nya lo, ibiau dut cem bi.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

AMOS 5:9

Noni njei ba, hwen yo di mimbri kui ingkek binggek ide tentara nibousi di igya coi nya bingwig.

HABAKUK 2:20

tuhan ningat rin ei Nide Ig di kwes-kwau. Ma tungwatu dihyeisi dini hagom ikimut yuhui ei Noho bei bimbrap au.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

MATIUS 21:16

Gima rino ihig ser Yesus “Amiap mun di tibim ei munggwom dima yok yuhui him e?” Noni ce “Dimiap tu. Jikwop leu Allah Nihyet di pai ‘Angginau munggwom kin ningwoi-ngwoi nya leu binhyepo iba ingon di gom binggei sut Na’ pima bi e?”

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

KORINTUS GI NIGOM 1:27

Noro Allah bisinggre bidimig mun di tungwatu nya ikan bipia bon ninyeng bi nya leu binhyepo binim kep yo di ingon ki nya. Ba, Noni bisinggre bidimig mun di tungwatu nya ikan bipia sindem bi nya leu binhyepo binim kep yo di mimbri kui ingkek nya.

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.