MAZMUR 79:8 - ALLAH NIHYET MEM TUNGWATU NYA

⁸ Ma akes hukum ei nye dip drek dip nidigup bat-nidigai bat nya ide sisar au. Abipbur ba, angondut nye lewo nyeni ningon dahat leu su.

MAZMUR 79:8 ပူးပေါင်းရင်းမြစ်များ

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

MAZMUR 106:43

tuhan kwei teu yok mbirimang lo, ijoi sut yaham imbuk kep Noni bibit nihyet bi. Apino isar ei ide sisar nyati.

MAZMUR 116:6

Noni nyohou yo di iba ibou coi mem yam. Tirigi mun di buhun bibor nahanok micut igkep da ne Noni teu da bidingwes ngun.

MAZMUR 130:3

Gino apas kep nyende sisar nimangti ei ade daptarti lene tou riningwes ngun leu hukum i?

MAZMUR 142:6

tuhan e, dahara Na lewo Nani ne mpia di dinang coi ri. Disuar Nangkom he mem nijam di diyaijo ei dihyeisi dini.

MAZMUR 21:3

ningon kanti kin mun di hara Na tut nya pek kep mem no tu.

MAZMUR 25:7

Akos ser ditde sisar kin ditunggweisi nya di dibon habiei leu dipilei kwei su nya. Ayok ngon kep da lewo Nani ne Na di angon ngakei Ade limwa nya rin ba, asingat bibor.

NEHEI LEUSI 32:34

Suar aug ba, abuwak mben Israel ug ei minu po dipreu ei mem yok tu. Ditde malaikati mibie tut je. Noro ei nidipti bu lene tto bou midem mem gima dikes hukum ei mben Israel dip drek dip ide sisar.”

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YEHEZKIEL 2:3

“Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su.

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

NINDAT KEP TUHAN NICUKTI NYA 28:43

Ngkiai di ibong ei jitimieisi inyeng mikui bibor noro jinyeng micut nimo jug.

NINGAT-HI-NGAT NYA 18:5

Lewo noni kum ei nide sisarti bikui sur mpia-bbed him. Allah kan kep nide sisar di nindig bibor.