MAZMUR 79:5 - ALLAH NIHYET MEM TUNGWATU NYA

⁵ tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

MAZMUR 79:5 ပူးပေါင်းရင်းမြစ်များ

MAZMUR 103:9

Noni sinsam tungwatu nya ba, ningon sibui sut yok kikau bi.

MAZMUR 6:4

tuhan e, dingon tai-tai bou. Akes da ei bipek apig bu i?

MAZMUR 74:1

Asaf de doia nibingginausi. Allah e, nggon rino akes nye bihigom ei i? Nggon rino agga Nanti Ade limwa nya kikau i?

MAZMUR 80:4

Allah e, ma awin kep nyende nisindemti! Ma angondut nye ba, ateu nye leu nyende siceu nya.

MAZMUR 80:5

tuhan Di Sindem Bibor e, anghek tut Ade limwa nya bitut ide nadi di tibim ei yuhui him apig bu i?

MAZMUR 85:5

Noro tini bu ne ma angkwei nye ei nijam dimati hanyen. Ma agga nye bu au lewo Nani ne Allah di teu nye leu sisar ri.

MAZMUR 89:46

Abindei ba, ninghim koi urung ba, nide siceu nya inim kep noni cem.

MAZMUR 89:47

tuhan e, aku Na leu nye kikau e? Angon sibui sut nye dem kep nok hum di cig-cai ba, ug bipek apig bu i?

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

NIBWOS-BWOS NYENTI 5:22

He, ma acom nye bihigom tu e? Ade nigga nyeti bon nohonti bi sren e?

YEHEZKIEL 36:5

Noni pai “Diba Ditde nigga biborti di cig-cai bipai kep ngkiai nya di ibong ttai je ba, dibipai kep mben Edom pijum. Yo dima iba ingon di kei kin ingwes di pri gau Da biyai Ditde dihyei bigyati lene ijem Ditde minta nidumti nya bou yok nok ide.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

ZAKHARIA 1:12

Lene malaikati dima pai “tuhan Di Sindem Bibor e, agga minu ndig Yerusalem kin minu ndig ngot ei minu Yehuda bibor kikau mem ari bingwam ningot muhwindacan tu. Agga yok bibor nok gima ba, akos ser ide nitunggweisi nya bi ug bipek apig bu i?”

NINDAT KEP TUHAN NICUKTI NYA 29:20

tuhan mikos ser no dima niyai munti di kinei dima bi. Noro noni mitug ndei tuhan nigga biborti di kui mpia ba, mun nyeng di buhun bibor di ipas kep ei srat diniti micut igkep noni kikau bibou tuhan icok tut noni bihigom ug e.

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”