MAZMUR 79:10 - ALLAH NIHYET MEM TUNGWATU NYA

¹⁰ Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

MAZMUR 79:10 ပူးပေါင်းရင်းမြစ်များ

MAZMUR 115:2

Nggon rino ngkiai nya ihig ser yam “Ide Allah No ritou i?”

MAZMUR 42:10

Allah ne No di ya srak ko hagau da ri. Gima rino dihig ser Noni “Nggon rino angon prion ser da tu i? Nggon rino ditde siceu di isibut bibor nya ibindei ba, mun di buhun bibor cut igkep da i?”

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:3

Allah di niyaijo e, diyok dingon mem Na. Apig bu leu api mibon nituti mem da leu binhyepo dihwou kuk da biNa ei Ade Ig i?

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 58:11

Yo di ingon sren nya ingon nggei-hi-nggei mpe dino ingat yo di isibut nya di itug ndei hukum. Yo di ikiek imig jou tut Allah inggrom mirus yo di ingon sren nya imigya.

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

MAZMUR 94:1

Allah e, Nani ne Allah di ba ningon sibuisi bibuhup bak yo di isibut nya ri. tuhan e, ando angon sibuisi dima brei binye.

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

NEHEI LEUSI 7:5

Tirigi dikes hukum ei mben Mesir dip lene dibuwak mben Israel bingwes ngun leu minu dima lene mijo nibreisi mem mben Mesir bipia Dani ne tuhan ri.”

YESAYA 64:1

tuhan e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:35

Je di timiei Sion e, ma jipai “Suar minu Babel di niten-pos bibor di bibon nye kinei su dima biang niyai munti nibuhunti!” Timiei minu ndig Yerusalem e, ma jipai “Suar minu Babel biang niyai munti nibuhunti noyam kin nibuhunti di yai binye hak ug!”

NIBWOS-BWOS NYENTI 1:22

Ma angig ayai kep ide nibon munti di kinei dima hagom ba, aubon yoni cem noyam kin gi aubon dani drek dip sisar nyeng hagom di dibon tut Nani tu o! Duun-dicot nyen drek dip ditde ninghuisi wei ba, dingon ngguk bidiwer mindhe cem o!”

YEHEZKIEL 36:23

Midindo dinyeng di jei bibor nikwes-kwausi di jibimangkrei bijico kep bidem jingkiaisi hagom bak ngkiai nya leu api mijo nibreisi mem yok bipia Dani ne tuhan ri. Da di tuhan Di Dinyeng Jei Bibor disimbot dat tu. Midiba jeni bindo bindo bak ngkiai nya bipia Da di tuhan Gom Ngat bidingon kwes-kwau.

YOEL 2:17

Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

NINDAT KEP TUHAN NICUKTI NYA 32:43

Je di ngkiai nya e, ma jinggei sut tuhan De limwa nya. Noni kes hukum ei tungwa tou rino hwen Nide limwa nya dip. Noni birop hanyen bak Nide siceu nya noro kos ser Nide limwa nya ide sisar.”

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.