Noni ngginau da tut doia nijep leu binhyepo dibinggei sut ide Allah. Yo di ingat mun dini yok bou igyai him imang bibor minga leu sut ba, iba ingon com tuhan drek dip.
Jiyok jingon mem gima jibindei cut ninyeng jeisi. Jiyok jingon gom mem joom biei kep noni lewo jipai nihyet di binjei mun di kei bak noro jiba nihyet di jibisigion noni ei jingonti.
bipai sigyo kep bak Allah lene ba ninda biki roti bipai biyok “Gini ne dingut di dikes ei mem je ri. Ma jiyai bram diyaisi dini ba, jibiyok ngon kep Da.”
Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.
Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.
“Ma jingon sok kep jenti ser nhyema jingon prion ser tuhan di nok jide Allah au. Ma jingon nghen leu gima jibit nicuk jeti nya di ditri tut bije njap di ammani au.
Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.
Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.