MAZMUR 78:6 - ALLAH NIHYET MEM TUNGWATU NYA

⁶ leu binhyepo ide nintun him yamti di bram yam nya bu mikan tut leu api ibinut gima kikau bak imunggwom bat nya bu.

MAZMUR 78:6 ပူးပေါင်းရင်းမြစ်များ

ESTER 9:28

Ikos tut bipia suar bikwop mben Yahudi ide ig bei nsi nya yahagom igyok ngon kep Njap Ndig Purim leu binhyepo ide nintun him yamti di bram yam nya di ibong bidem hanjop nsi kin minu ndig nya cem yahagom ibon midut nibiyok ngon kepti dima bijo ninno bijo kikau.

MAZMUR 102:18

Noni mimiap kep Nide limwa nya di iwer nikinei-kinau nya ide nadi lene rok yok tut ighyet di yahara Noni bi.

MAZMUR 145:4

Tungwatu nya mitri tut Ade midyai di mindur nya bak ide nintun him yamti di bram yam nya sindam bitri tut mimbri di kui angkek cem.

MAZMUR 22:31

Tungwatu dihyeisi dini ide nintun him yamti di bram yam nya mikuk yok bak tuhan. Yoni mitri tut Noni bak yo di intun him yok nya sindam.

MAZMUR 48:13

Ma jinjei ttai Sion bijinghau ttai. Ma jibikwop nide ig di bon ninggre di jo-jo yam dip anai mem gima ibiya ser minu ndig dima cem.

MAZMUR 71:18

Allah e, nogindini duug wer andig-ndau bidibou tiei su lo, ma akes da ei au. Noro anyohou da kikau leu binhyepo ditri tut Ade nisindemti kin mimbri di kui angkekti bak ditde nintun him yamti di bram yam nya yahagom.

MAZMUR 90:16

Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

NEHEI LEUSI 10:2

Lene apui sut notou diba mben Mesir bikek tug hon mindur dini yok bak amunggwom bat nya kin agnyon bat nya. Ba, jahagom mijikan tut bipia Dani ne tuhan ri.”

YOEL 1:3

Ma jipai sut mun di cut igkep je dini bak jimunggwom bat nya leu api yoni mipai sut hanyen bak imunggwom bat nya bu leu binhyepo yo di intun yok him mikan tut leu api mitri tut hanyen bak yo di intun yok him bu.

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’