MAZMUR 78:12 - ALLAH NIHYET MEM TUNGWATU NYA

¹² Allah bon mindur nya bou idigup bat-idigai bat nya igyai him tirigi ingat rin ei Mbang Briep Zoan ei minu Mesir.

MAZMUR 78:12 ပူးပေါင်းရင်းမြစ်များ

NITRITI 32:3

Lene Yakub sok nihyet ei nide limwa nya dip bibie leu noni biyuug ngat nikindig Esau ei minu Edom,

NIBOU NDIG NYA GI NICAN 17:7

Minu ndig Samaria cut drek dip gi mben Israel ibon sisar tut ide tuhan Allah di teu yok bingwes ngun leu nibou ndig mem mben Mesir ninda nsi bibuwak yok ba, yehei leu minu dima. Mben Israel ikuk yok bak nung nya cem ba,

NEHEMIA 9:10

Abindei mun di mindur di buhun bibor cut igkep nibou ndig mem mben Mesir kin yo di igya kui noni kin nide limwa nya yahagom lewo angig ayai kep Ade limwa nya tirigi mben Mesir ihwen bit yok. Mun dima bindei ba, anyeng jei bibor kikau kwei bipek ammani kep.

MAZMUR 106:22

Nide nibon munti nya ei minu dima bibon ninggap leusi bibor. Niyai munti nya ei Muk Lipig bindei ba, inga leu.

MAZMUR 135:9

Noni bon mindur kin bindo nya mang bibor mem gima bikes hukum ei nibou ndig kin yo di igya kui noni yahagom dip.

NEHEI LEUSI 7:1

Lene tuhan pai bak Musa “Amiap e, midibindei ba, akindig Harun minok no di binut ahyet ba, noni mitri tut ahyet bak Firaun tereu nok nabi di binut dihyet bak tungwatu nya.

YESAYA 19:11

Nibou minu ndig Zoan nya ibbwe-bbwau hak ug! Mben Mesir di ingon ki nya iba ningon mbumti bipingok tungwatu! Ibrim ingkek kep nibou ndig bipai bak bipia yoni ne pung di ingon ki nya kin nibou ndig nya ide nintun him di bram yam nya ri!

YESAYA 19:13

Nibou minu ndig Zoan kin Memfis nya ibbwe-bbwau hak ug. Suar ma yoni ibie tut ide limwa nya noro ibindei srawir yok hak ug.

YEHEZKIEL 30:14

Dibindei minu Mesir ei nite bei mpia nibiho ba, mpia mbum-bra bram. Midindig minu ndig Soan ei nite bei mpia nijjai bidibikes hukum ei minu ndig pmem Tebe dima cem dip.

MBEN ISRAEL IMBUT-MBUT NYEN 13:22

Nimbie him lene yuug ei minu dima nibiho ba, yuug krau minu ndig Hebron. Hebron ne keret Ahiman Sesai Talmai di intun Enak him itimieisi ri. Yo dima iwin Hebron ei ari bingwam muhwindacan nipou tirigi mben Mesir iwin minu ndig Zoan bigyo.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 6:22

Nyeni ningat mun di mindur kin mun di buhun di tuhan bibon bak nibou ndig mben Mesir kin yo di igya kui noni kin nide limwa nya yahagom bou nyeni niyai him tu.

YOSUA 9:9

Lene ibuhup “Andigpoi e, nikwei leu minu ting bibor. Lewo nimiap tut tuhan Allah di na di Andigpoi jeni jikuk je bak tu. Nimiap jinghapti tut mindur hagom di Noni bibon bak mben Mesir drek dip je,