MAZMUR 77:14 - ALLAH NIHYET MEM TUNGWATU NYA

¹⁴ Allah e, Nani ne nyende Allah ri. Aba angon sren-srausi biyai ayai munti nya. Kwar di tou rino nindig noyam kin Nani i?

MAZMUR 77:14 ပူးပေါင်းရင်းမြစ်များ

MAZMUR 105:5

He, je di jintun Abraham di tuhan de awak pima him kin je di jintun Yakub di Noni dimig ei su pima him e,

MAZMUR 106:8

Noro tuhan teu yoni bingwes ngun tug hon Nonti njem leu binhyepo ndo Nide nisindem biborti brei biyok.

MAZMUR 136:4

Nongkom he rino bon mindur di bibon ninggap leusi nya. Nide ningon ngakeisi jo ninghig-niker.

MAZMUR 68:25

Allah e, yahagom ingat Na tirigi akri yo di abindei timek yok nya kwei. Ditde Allah di Nibou Ndig e, aya bit yo di injei bram yam ug ei mpia di agwam kikau eisi.

MAZMUR 72:18

Jikwei ba, inggei sut tuhan di mben Israel ide Allah! Nongkom bibon mindur di bibon ninggap leusi.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 6:27

Dicuk tungwatu nya di ibong bidem dinyeng tak kepti nisurti-nipekti hagom leu binhyepo ittin tut Allah di Daniel kuk no bak ba, ikuk yok bak! Noni ne Allah di niyaijo bijo ninno bijo kikau ri. Nide ninyeng tak kepti jo kikau ug bipek kin njap ningwig honti. Bit bon hi bindei ba, Allah ninyeng tak kepti pror yon kan bi. Nide nisindemti cem ug hon nohonti bi sren.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.