MAZMUR 76:7 - ALLAH NIHYET MEM TUNGWATU NYA

⁷ Yakub de Allah e, akon ahyet kep yok apino kuda nya kin tentara di igwam dip nya yahagom icut di imai ug a!

MAZMUR 76:7 ပူးပေါင်းရင်းမြစ်များ

NIBOHON MBEN ISRAEL GI NIGOM 16:25

Lewo tuhan ne Andigpoi Di Ninyeng Jei rin ba, suar tungwatu nya yahagom inggei sut Noni. Je di tungwatu nya jahagom e, ma jittin tut Noni dor njiriek jide kwar di jikuk je bak nya.

EZRA 9:15

tuhan Allah Israel e, Nangkom angon sren-srau kei. Mbro nok gima lo, asindui sut ba, nyeni ningwes ngun yo. Dem tut gima nidideu Nani ba, niya ei Aho bei bi. Noro abon nituti mem nyeni tu leu api nipai jit nitunggweisi nya biNa.”

MAZMUR 130:3

Gino apas kep nyende sisar nimangti ei ade daptarti lene tou riningwes ngun leu hukum i?

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

MAZMUR 90:11

Tou ritug ndei Ade nigga bibor nisindemti i? Tou riningon dorti tut mun di micut igkep nye tug hon Ade ningon sibui sut tungwatu nyati i?

NEHEI LEUSI 15:1

Lene Musa kin mben Israel ikon doia bibinggei sut Tuhan bipai, “Dipai doia mem tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.

NEHEI LEUSI 15:4

Noni com nimpung tentara Mesir bitut ide kroba pran nya ug ei minyeisi tu. Nibou pran di inyeng jei nya yahagom isar ningwig ei Muk Lipigti tu.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”