Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAZMUR 76:6 - ALLAH NIHYET MEM TUNGWATU NYA

6 Apos mun di tentara di mimbri kui ingkek nya ibikon pran leu yok ba, ibong mai hak ba, mikiju hanyen bu bi sren. Tentara di mimbri kui ingkek nya ide nisindemti pror leu yok tu.

အခန်းကိုကြည့်ပါ။ ကော်ပီ




MAZMUR 76:6
20 ပူးပေါင်းရင်းမြစ်များ  

Noro mben Israel ihwen yok ba, tentara Siria nya isujou leu yoho bei ug. Lene Daud ya tut nide tentara nya ba, ihwen tentara di ikrau kroba pran kan ibou sratus muhwindacan bimai ba, tentara di ikui kuda kan nya ibou sribu nyatungwacan cem imai. Siceu ide nibou pran Sobakh cem bok buhun apino mai ei pran dimati.


Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.


Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.


Tirigi asinsam minyei ne minyei ngkwei hon. Minyei miap ahyet di nibimbi bong dem kep nok kru lene hagom biam sindem bisri hanyen.


Noni prindei Nide tibor nya bibuhuk Nide siceu nya apino intek gimahap. Noni ba kigyei ninjeng di srei bitot-tot nyen bibindei ba, inang.


Ateu Ade limwa nya di inok ba anggur ninjem di ata dini kin ba anggur nikioi di asindem tut dini leu binhyepo mui bingwig bi!


Lene Musa kin mben Israel ikon doia bibinggei sut Tuhan bipai, “Dipai doia mem tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.


Noro Na di tuhan ahi annei mbigom ngat he apino minyei kot mben Mesir yahagom bimai bingwig. Yahagom isar ei minyei jou dem kep nok leben dicut ug ei minyei di su biborti.


Lene Miryam kon doia mem yahagom imiap bipai, “Jikwei ba, yahagom ipai doia bibinggei sut tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.”


Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.


Tirigi ingon kui mem gima igyem njita lene miditin ei njita mem yok. Midibindei njita dima pu yok ba, ibou ngwakti sibui kikau ba, ibibong mai lene igikiju hanyen bu bi.


Midibindei ba, mun di pu mipu yo di inyeng jei ei minu Babel di ingon ki nya kin nibou nya kin tentara nya tug hon Ditde nigga biborti ri. Ba, yoni mibong mai bikiju hanyen bu bi. Noro ibong mai bijo ninno bijo kikau. Disimbot dat tu. Dani ne nibou ndig ba, tuhan Di Sindem Bibor ri.


Inghop mimpung tut kuda kin tungwatu di ibri kuda dima kin yo di mimbri kui ingkek tut nikon pran nya ei Ditde meja. Da di tuhan Di Dinyeng Jei Bibor disimbot dat tu.”


Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.


tuhan Di Sindem Bibor pai “Ade nitok rino Dani. Midindig ade kroba pran nya hagom bingwig ei humti ba, ade tentara nya mimai nimbiam ei pranti. Midiyai mun di apos leu yo di hiter nya hagom leu na. Ahyet di buhun di asok ei ade nibou niya hacanti ntus hak ba, hi ngig nitingou mem bu bi.”


Na di nibou ndig Asyur e! Ade nibou di inyeng jei nya imai su ba, ade yo di inyeng jei nya ibong mai ningga rima ug. Limwa ade nya intek gimahap ug ei nungug him. Hi di mittei yok bingwes ngun hanyen kwei bi sren.


Njap dima dem ne dibindei ba, kuda nya hagom ibbwe-bbwe nyen ba, mirei bon tungwatu di igwam kuda nya dip cem. Midiya ser timiei minu Yehuda nya noro dibindei ba, kuda di siceu ide nya hagom igyai tu.


Gima rino Daud tiba Saul de micim bipos dibijig di noni dut minyei eisi cem leu nijoti dideu Saul nibousi leu lene ibimbut tut. Hi di ngat mun dima bikan tut mun di pek kep ei mmun dima ba, digit tut bikiju cem bi. Lewo tuhan bindei ba, yo dima yahagom ibong mai bibor.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ