MAZMUR 73:25 - ALLAH NIHYET MEM TUNGWATU NYA

²⁵ Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

MAZMUR 73:25 ပူးပေါင်းရင်းမြစ်များ

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

MAZMUR 16:2

Dipai “Ditde tuhan e, anok nibousi mem mun di kei bibor kei hagom lewo hi ninyeng jei dor njiriek Na bi!”

MAZMUR 63:3

Ma asindui sut ba, diyai bong kep Na tirigi Angat rin ei Ade Ig ba, dingat Ade nisindemti kin Ade nikei-kau-keisi cem bou diyai him.

MAZMUR 16:5

tuhan e, dinyeng tut Nangkom he. Ayai mun di disuar nya hagom bida ba, mun di mipek kep mem da jo nyahan ei anda bia bei cem.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

MAZMUR 37:4

Ma jinggok tut jingon di llei ndam tuhan leu api Noni miyai mun di jiyok jingon mem bije.

MAZMUR 89:6

tuhan e, mbusyamei nya ei gwamti iba doia bikiek Ade midyai di mindur nya ba, ninnei di ikwes-kwau nya iba doia bikiek angon gomti.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

MATIUS 5:8

Bikwop yo di ingon gom nya ingon nggei-hi-nggei leu yoni mingat Allah bou igyai him!

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.