MAZMUR 73:24 - ALLAH NIHYET MEM TUNGWATU NYA

²⁴ Aba apingok dati nya bibie tut da leu api mporo aba anggei sut dati buum da ei ningwigsi.

MAZMUR 73:24 ပူးပေါင်းရင်းမြစ်များ

MAZMUR 32:8

tuhan pai “Midindo puig di suar akak bina bidingginau nani ba, dipingok angonti tut ambutti nya cem.

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

MAZMUR 48:14

Jicap ngug tig ba, jiyok jiyai kep tentara nibousi di igya coi nya leu binhyepo jipui sut gima yok hagom bak jide nintun him yamti di bram yam nya bu. Ma jipui biyok,

YESAYA 48:17

Je di mben Israel jide Allah di kwes-kwau di teu je ba, jingwes ngun pai “Dani ne jide tuhan Allah ri. Dingginau je tut mun di bon ninyeng mem je ba, di bie tut je kak puig di suar jimbut kak cem.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

MAZMUR 25:9

tuhan bie tut yo di iba ibou coi mem Noni bingginau yok tut Nonti ningon kanti.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

YESAYA 58:8

Leu api midisingat tut je noyam kin mpia nipriti di wam je apino jei bi lene jibokti nya jut hanyen. Midingat rin bit je biditeu je ba, jingwes ngun. Midiya srak ko hagau je bidiyon ttai je cem.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 49:15

Yoni mitug ndei nimai dem kep nok domba nya ba, yahagom minut puig di bie ndam jui nsi dem kep nok gembala hi bie tut yok ug ei siri. Yo di ingon sren nya mibindei timek yok mem njap bigyoti leu api ingut mikroi srig yo di imai nya ikieti ei minu ting leu itimieisi di kei-kau pima.

MAZMUR 16:7

Dinggei sut tuhan lewo Noni pingok dingonti kan. Tirigi dibong mem mmun lene dingon mien sok kep danti cem.

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

NIPINGOK NINGONTI 8:20

Dikak puig ningon gom bidinut ningon sren nohoti.

KORINTUS GI NICAN 5:1

Lewo ikan tut bipia mpe dino ingut di nok ig di ibong ser ei dihyeisi dini nggek lene Allah tin ei ig mem nye ei gwamti. Noni ngot ig dima bou ninda him ba, jo ninno bijo kikau.

LUKAS 23:46

Lene Yesus ba nihyet nindig bahara “Arig e, dikes dinnei ei andati!” Hara nok rino ninnei kimbas.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

MBEN ISRAEL IMBUT-MBUT NYEN 9:22

Nok gima cem mem mmun-njap can kin bed nitindur gom kin ari bingwam nitindur gom kin nijam di jei bu ba, gino bumbuhui ttou jo nijoti nai tuhan De Prak Meng lene yoni imbut bi. Noro tirigi ingat lo, bumbuhui ttou kui su lene imbut.

NINDAT KEP TUHAN NICUKTI NYA 18:2

Harin dima yoni ima dihyei hanjop nsi noyam kin keret nindigsi nya a. Lewo tuhan Nonti ne ide mun ninda rom rin bit leu gi Noni preu ei mem yok nipou su.