MAZMUR 73:23 - ALLAH NIHYET MEM TUNGWATU NYA

²³ Mbro nok gima lo, diya kui Na bikwop mmun-njap leu api akrau dinda com bingkiem.

MAZMUR 73:23 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

MAZMUR 139:18

Gino didem mem gima dikwop angon kanti nimangti ne nimangti dor njiriek iggum di bigbibor nimangti. Tirigi dida diyai dibinut bu bidikan-kan nyen tut Nani.

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

MAZMUR 37:17

Lewo tuhan mipos yo di isibut nya ide nisindemti bingwig leu yok noro Noni minyohou yo di ingon sren nya.

MAZMUR 37:24

Gino no dima ndrat mpia ne kinoi bi lewo tuhan krau ninda bingkiem.

MAZMUR 63:8

lewo ampu da ninno tu. Diba dingon di llei bibor bipai doia tirigi diku da ei anyehei di yon gau da.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:13

Dani ne tuhan ba, dinok jide Allah ri. Disindem tut je ba, dipai dingkiem jeti gima rino ma jittin au lewo midimpu je.”

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”