MAZMUR 72:19 - ALLAH NIHYET MEM TUNGWATU NYA

¹⁹ Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 72:19 ပူးပေါင်းရင်းမြစ်များ

NIBOU NDIG NYA GI NIGOM 1:36

Lene Benaya buhup “Andigpoi e, igbit ri! Handei kon ba, ade tuhan Allah nihyet tot kep ahyet di asimbot dat dima!

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

MAZMUR 89:52

tuhan e, ade siceu nya ighyet tigut nibou ndig di ando ei su. Iba ighyet bicig noni bidem nimbutti nya hagom.

YESAYA 11:9

Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

HABAKUK 2:14

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MBEN ISRAEL IMBUT-MBUT NYEN 14:21

Noro dipai tug hon neheng bit leu nok diyaijo bijo ninno bijo kikau ba, bit leu nok dingat rin bidem ei dihyei nisurti-nipekti cem bipia,

MBEN ISRAEL IMBUT-MBUT NYEN 5:22

Minyei nisigionti dima mipijuk anghopti bibindei ba, anghop dwoi mai kei lene akei bisi njui-jua.” Lene suar sop dima buhup “Dani dice tut bidisindui sut tuhan yai nok gima.”

MATIUS 6:10

Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 22:20

No di tri tut nihyet di jo ei srat diniti pai “Igbit ri! Jei bi lene midihwou hanyen!” Igbit ri! Tuhan Yesus e, ma akwei!

NINGAT-HI-NGAT NYA 5:13

Leu api dimiap lo, Allah nipai testi nya ei gwamti kin dihyeisi kin minu nimai nya ide kin gi jo muk jou hagom bitut mun di niyaijo nya ei hantou-hantou yahagom ipai doia “Dem mem gima inggei sut No di gwam banggo mbrei dip kin Domba Pmot ba, ikon inyeng drek dip ide nikei-kau-keisi kin ide nisindemti buug hon nohonti bi!”