MAZMUR 72:15 - ALLAH NIHYET MEM TUNGWATU NYA

¹⁵ Abindei ba, nibou ndig bong kei gwam kei bijo ninno bijo kikau! Abindei ba, mben Arab injei mas bak noni ba, tungwatu nya ingat nadi tindei noni mem mmun-njap cem. Allah e, ma anjei mun di kei bak noni bijo ninno bijo kikau.

MAZMUR 72:15 ပူးပေါင်းရင်းမြစ်များ

NIBOU NDIG NYA GI NIGOM 10:10

Lene nibou ndig sop leu minu Syeba hit mun di kei di noni pwoi kwei mem Salomo nok mas di nibuhunti kilo sribu bitai kin tig permata kin biei ngat di ui-gwang nindig bibor. Hon kep njap dima kui ne hi yai biei ngat di ui-gwang di nindig bibor bak Salomo noyam kin gi hi di nibou ndig sop leu minu Syeba yai binoni bi sren. (

NIBOU NDIG NYA GI NIGOM 10:14

Nibou Ndig Salomo tug ndei mas di nibuhunti kilo sribu nyatungwagom ningai bikwop ari bingwamti.

NIBOHON MBEN ISRAEL GI NICAN 9:1

Nibou Ndig Sop mben Syeba miap tut Salomo ninyeng jeisi. Apino jo leu nide minu kwei ei minu ndig Yerusalem. Tirigi kwei krau minu ndig Yerusalem tu lene tin ei ningonti mem gima bingon Salomo tug hon gi hig ser noni tut mun di nggruk bibor nya. Noni kwei sut nide awak di igya kui noni di injei bit nya nipmem ngat binju biei ngat di ui-gwang kei nya kin tig permata kin mas mang bibor bikon ei unta di ijem nya dip bimpung kei. Tirigi Nibou Ndig Sop dima kwei um Salomo lene hig ser noni tut mun nyeng mang bibor pima hagom.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

YESAYA 60:6

Mben Midian kin Efa kin Syeba yahagom mikon ide mas kin biei nggrai di ui-gwang kei ei ide unta nya imang bibor dip bijem yok kwei leu api yoni minggei sut tuhan niyai munti nya!

MATIUS 2:11

Leu api icoi ug ei ig bei bingat munggwom dima kin nipmem Maria lene ikuk yok bak binggei sut Yesus. Leu api ikwek migbuwang leu mas kin biei nggrai di ui-gwang kei kin mur ba, yihit binjei bak.

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

MATIUS 6:10

Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

TESALONIKA GI NIGOM 3:11

Handei kon ba, Icig Allah Nonti kin ide Tuhan Yesus itin puig mem nye leu binhyepo nihwou ngat je hanyen bu.

2 TIMOTIUS GI NICAN 4:22

Handei kon ba, Tuhan Yesus Kristus ningat rin bit na. Handei kon ba, Allah singat tut jahagom! Nipigo leu dani, Paulus

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YOHANES GI NIGOM 1:2

Tirigi Niyaijo dima hei ei nibreisi biningat Noni bou niyai him. Gima rino nitri tut mun di ningat bou niyai him ba, nipui sut niyaijo nijep di jo kikau nibousi di ningat rin bit Icig Allah leu api kwei ttau kep nye.

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.