MAZMUR 71:22 - ALLAH NIHYET MEM TUNGWATU NYA

²² Allah e, midiba nggong bikon anyeng lewo angon gom kikau. Israel de Allah di kwes-kwau e, midiba nggong mbrei bikon anyenga.

MAZMUR 71:22 ပူးပေါင်းရင်းမြစ်များ

NIBOU NDIG NYA GI NICAN 19:22

Akan tut No po aba angon di jei bibor kucang ba, ahyet wer mpiahi tut pima ninyeng bi e? Lewo angwes om kep Da di kwes-kwau di mben Israel ide Allah.

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MAZMUR 144:9

Allah e, apingok dingonti tut doia nijep ba, dikek nggong mbrei tirigi dipai doia dima biNa.

MAZMUR 25:10

Noni ba ningon ngakeisi kin ningon di gomti bimpu yo di ikrau kep Nide nipreu ei mem yokti kin nisok kep yokti nya.

MAZMUR 33:2

Ma jiba jide nggong nya bikwei pai sigyo bak tuhan. Ma jiba jide nggong mbrei nya bikwei pai doia ei Noho bei.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 56:4

Mpe dino dittin bibor ne diba dingon com Nani.

MAZMUR 78:41

Ibingon kep Allah ningonti nyen-nyen ba, ibiyai ningon di buhun bak Israel de Allah Di Kwes-Kwau cem.

MAZMUR 89:1

Etan di mben Ezrahi de doia ningginausi.

MAZMUR 89:18

Abindei ba, nihwen nyende siceu nya bitimek bingwig. Nico kep nyende nitok joti nya tug hon asingat tut nyeti.

MAZMUR 98:3

Noni krau kep ningon gomti kin ningon ngakeisi di preu ei mem Nide limwa di mben Israel. Tungwatu nya di igya bidem dihyei nisurti-nipekti yahagom ingat Allah nibindei timek siceu nyati bou igyai him tu.

MAZMUR 98:4

Tungwatu dihyeisi dini hagom e, ma jimbos-hi-mbos mem tuhan bijiba ningon di nggei-hi-nggei bipai doia bijibikon ninyenga.

MAZMUR 98:5

Ma jipai doia nibinggei sut tuhanti ba, jiba nggong mbrei bikon ninyeng cem.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

YESAYA 5:16

Noro tuhan Di Sindem Bibor ndo tut ninyeng jeisi tug hon gi bon mun di igbit. Noni mindo tut Nide nikwes-kwausi tug hon gi gwam nok nikei mem Nide limwa nya.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 60:9

Kibar minyei dima kwei leu minu ting bimpung tut Allah de limwa nya di induk yam kwei ei itimieisi hanyen. Yoni ipwoi perak kin mas kwei ba, mibinggei sut tuhan di nok mben Israel ide Allah Di Kwes-Kwau di bindei ba, ngkiai nya ikon Nide limwa nya inyenga.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.