MAZMUR 7:8 - ALLAH NIHYET MEM TUNGWATU NYA

⁸ Aba ngkiai nya bicom yam ttai Na ba, anyeng di tak kep yokti kwei leu Ade banggo mbrei ei gwamti.

MAZMUR 7:8 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NIBOHON MBEN ISRAEL GI NICAN 20:12

Nani ne nyende Allah ri! Ma akes hukum ei yok dip lewo niyai nisindemti mem gima nikon pran bit tentara imang bibor di ijoi sut icoi minu dini ba, ibindei timek nye bi. Nikan tut puig di nikon pran bit yokti bi. Gima rino nikwei kuk nye biNa leu binhyepo ampu nye.”

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 25:21

Dijoi sut gima angon singat tut dati kin angon sren-srausi nyohou da lewo diba dingon com Na.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 26:11

Noro tut dani ne diba dingon sren kei bidimig diyaijoti. Gima rino angondut da ba, ateu da leu mun di kri kep da!

MAZMUR 41:12

Gino ditde siceu nya ibindei timek da bi ne midikan tut bipia angon ngakei da.

MAZMUR 43:1

Allah e, ma asimbot dat hak ug bipia dingon ngun. Ma ambrap gau da ei nikei noho bei tirigi timiei nya ei dingkiaisi dini ipai kep da. Ma ateu da bidingwes ngun leu yo di isibut nya kin yo di iris igkei nya indati.

MAZMUR 78:72

Daud ba ningon di sren kei binyohou yoni. Noni ba ningon di ki bikrau inda bibie tut yok.

MAZMUR 82:1

Doia Asaf. Allah bie tut Nide awak di pai tes nya di induk yam ei gomti ei gwamti. Noni kos tut biyok bipai,

MAZMUR 9:8

tuhan ninyeng tak kep tungwatu nya bijo ninno bijo kikau. Noni win Nide banggo mbrei mem gima bimbus tungwatu dihyeisi dini ingonti.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

NIPINGOK NINGONTI 19:1

Gino ahui mbum ba, angon gom ne gima kei dor njiriek no di ningon tindur biris mun igkei.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.